مغربی بنگال بھارتیہ جنتاپارٹی کے صدر دلیپ گھوش نے ترنمول کانگریس کی سربراہ ممتابنرجی پر تنقید کرتے ہوئے کہاکہ انہوں نے اقتدار میں آنے سے قبل جو وعدہ کیا تھا اسے نبھانے میں پوری طرح سے ناکام ثابت ہوئی ہیں ۔
انہوں نے کہاکہ بایاں محاذ کو اقتدار سے اکھاڑ پھینکنے سے قبل انہوں نے مغربی بنگال مکمل جمہوریت لانے کا وعدہ کیا تھا لیکن ان کی جب حکومت بنی تو وہ سارے وعدے بھول گئیں۔
بی جے پی کے رہنما کاکہنا ہے کہ ریاست میں حکمراں جماعت ترنمول کانگریس کو سخت چیلنج دینے کے لئے بی جے پی واحد سیاسی جماعت ہے۔ سی پی ایم کا دور ختم ہو چکا ہے ۔کانگریس اب کبھی بھی اقتدار میں آنہیں پائے گی۔
بی جے پی کے رکن پارلیمان کاکہنا ہے کہ جس طرح سے سی پی ایم اور کانگریس برے دور سے گزررہیں ہیں کہ وہ دونوں پھر کبھی بھی دوبارہ اقتدار میں نہیں آپا ئیں گی۔
انہوں نے کہاکہ ٹھیک سی پی ایم اور کانگریس کی ہی طرح ترنمول کانگریس بھی سیاست سے غائب ہوجائے گی۔ اس کے لئے زیادہ محنت کرنے کی ضرورت نہیں ہے۔
بی جے پی کے رہنما کاکہنا ہے کہ سچائی یہ ہے کہ بنگال کے عوام ترنمول کانگریس سے ناراض ہیں۔ لوگوں کو ترنمول کانگریس سی کارکردگی سے مایوس ہیں۔ اس لئے آئندہ اسمبلی انتخابات میں حکمراں جماعت کی شکست یقینی ہے۔
انہوں نے کہاکہ مغربی بنگال کے عوام بھارتیہ جنتاپارٹی کے ساتھ ہیں ۔ عام لوگوں کی مدد سے ریاست میں بی جے پی کی حکومت بنے گی اور بنگال کو سونار بنگالہ بنائیں گے۔
مسٹر دلیپ گھوش نے کہاکہ سنیئر رہنما امت شاہ یکم مارچ کو کولکاتا کے شہید منیار میں بی جے پی کے حامیوں کو خطاب کرتے ہوئے کہاتھاکہ جب تک ممتادیدی ہیں اس وقت بنگال کو سونار بنگالہ نہیں بنا جاسکتا ہے۔
انہوں نے کہاکہ ہمیں یقین ہے کہ بنگال میں ایک بار پھر تبدیلی کی لہر اٹھے گی جس میں ترنمول کانگریس کی حکومت کا خاتمہ ہوجائے گا۔۔
