صد فیصد ویکسینیشن مہم میں جنوبی 24 پرگنہ پہلی پوزیشن پر :شوکت ملا

ریاست مغربی بنگال میں صد فیصد ویکسینیشن مہم کی دوڑ میں جنوبی 24 پرگنہ پہلی پوزیشن پر پہنچنے کی دہلیز پر ہے جہاں کورونا ویکسین لینے والوں کی تعداد دوسرے اضلاع سے کہیں زیادہ ہے۔

ملک کی دوسری ریاستوں کی طرح مغربی بنگال میں بھی کورونا وائرس کی دوسری لہر کے بعد آنے والی تیسری لہر سے نمٹنے کی تیاریاں جاری ہے۔مغربی بنگال کی حکومت نے کورونا وائرس کی تیسری لہر کے مدنظر ریاست میں جزوی لاک ڈاؤن میں توسیع کرنے کا اعلان کیا ہے، جو 15 اگست سے 31 اگست تک جاری رہے گا۔

دوسری طرف مغربی بنگال میں صد فیصد ویکسینیشن مہم کی دوڑ میں جنوبی 24 پرگنہ پہلی پوزیشن پر پہنچنے کی دہلیز پر ہے جہاں کورونا ویکسین لینے والوں کی تعداد دوسرے اضلاع سے کہیں زیادہ ہے۔

جنوبی 24 پرگنہ کے ڈائمنڈ ہاربر اور اس کے اطراف کے علاقوں میں ویکسینیشن مہم زوروں پر جاری ہے اور اس دوران 87 فیصد لوگوں کے کورونا ویکسین لینے کی تصدیق ہوئی ہے۔اس ضمن میں رکن اسمبلی شوکت ملا نے کہا کہ کورونا ویکسین کی مناسب سپلائی نہیں ہونے کے باوجود مغربی بنگال ویکسینیشن مہم میں دوسری ریاستوں سے کافی آگے ہے۔

انہوں نے کہا کہ ممتا بنرجی کی قیادت والی ریاستی حکومت کے ذریعہ اپنے خرچ پر کورونا ویکسین کے خریدنے والے فیصلے کے سبب ہی یہ ہدف ممکن ہو سکا ہے۔وہیں انہوں نے بی جے پی کی قیادت والی مرکزی حکومت پر ریاست کے ساتھ امتیازی سلوک برتنے کا الزام عائد کیا ہے۔


انہوں نے کہا کہ بنگال کو کوٹے کے مطابق جتنا کورونا ویکسین ملنا چاہیے اتنا ملتا نہیں ہے۔ اس کے باوجود بنگال میں کورونا ویکسینیشن مہم جاری ہے اور یہ وزیراعلیٰ ممتا بنرجی کی وجہ سے ممکن ہو سکا ہے.