رکن اسمبلی بناشری مہتو کا ترنمول کانگریس چھوڑنے کا اعلان

کانتھی سے رکن اسمبلی بناشری مہتو نے ترنمول کانگریس کو چھوڑ کر بی جے پی میں شامل ہونے کا اعلان کر دیا۔

مغربی بنگال کی حکمراں جماعت ترنمول کانگریس کے لئے رواں ہفتہ نہایت ہی مشکل ثابت ہو رہا ہے۔ گذشتہ 72 گھنٹوں کے دوران تین ارکان اسمبلی ترنمول کانگریس کو چھوڑ کر جا چکے ہیں۔

پارٹی چھوڑ کر جانے والوں کی فہرست میں بناشری مہتو کا نام بھی شامل ہو گیا۔

کانتھی سے رکن اسمبلی اور ترنمول کانگریس کے درمیان عرصے سے تنازعہ چل رہا تھا۔ اس کے بعد ہی قیاس آرائی تیز ہو گئی تھی کہ وہ پارٹی چھوڑ کر جانے والی ہیں۔ آج رات کانتھی سے رکن اسمبلی نے پارٹی چھوڑنے کا اعلان کر دیا۔

رکن اسمبلی نے کہا کہ شھبندو ادھیکاری نے جس دن ترنمول کانگریس چھوڑنے کا اعلان کیا تھا، اس سے ایک دن پہلے ہی پارٹی چھوڑ چکی تھی۔

انہوں نے کہا کہ کل امت شاہ کے جلسے میں شھبندو ادھیکاری سمیت دیگر 12 ارکان اسمبلی کے ساتھ وہ بی جے پی میں شامل ہوں گی۔