مغربی بنگال اقلیتی کمیشن کے چئیرمین ابو عائش منڈل کا دیر رات انتقال ہو گیا ہے۔ ابو عائش منڈل منتیشور اسمبلی حلقہ سے رکن اسمبلی بھی رہ چکے ہیں۔ وہ کافی دنوں سے علیل تھے۔ 2017 میں انہیں مغربی بنگال اقلیتی کمیشن کا چئیر مین بنایا گیا تھا۔
دراصل گزشتہ کئی ماہ سے ابو عائش منڈل کی طبعیت کافی علیل تھی۔ مغربی بنگال اقلیتی کمیشن کے چئیرمین کے طور پر عہدہ سنبھالنے کے بعد وہ لگاتار اقلیتوں کے حالات کا جائزہ لینے کے لئے بنگال کے مختلف اضلاع کے دورے کرتے رہتے تھے۔
علالت کی وجہ سے گذشتہ کئی ماہ سے وہ دفتر بھی نہیں آ رہے تھے۔ ابو عائش منڈل اس سے قبل مغربی بنگال اقلیتی ترقیاتی مالیاتی کارپوریشن کے چئیرمین بھی رہ چکے ہیں لیکن ایک تنازعہ کے بعد انہیں عہدے استعفی دینا پڑا تھا۔ چند برسوں قبل ہی سی پی آئی ایم چھوڑ کر ترنمول کانگریس میں شامل ہوئے تھے۔
