مغربی بنگال کے وزیراور ترنمول کانگریس کے سنئیر رہنما فرہاد حکیم نے کشمیر میں بنگال کے پانچ مزدوروں کی موت پر مرکزی حکومت پر تنقیدکرتے ہوئے کہاکہ وزیراعظم اور وزیرداخلہ کی نظروں میں عام لوگوں کی جانوں کی کوئی قیمت نہیں ہے ۔اس لیے وہ خاموش ہیں۔
انہوں نے کہاکہ وزیراعظم اور وزیر داخلہ ہر معاملے میں بیان بازی کرتے ہیں۔ ایسا کوئی معاملہ نہیں ہے جس پر انہوں نے کچھ کہا نہ ہو۔
فرہاد حکیم کے مطابق وزیراعظم نریندر مودی اور وزیر داخلہ امت شاہ نے کشمیر میں مغربی بنگال کے مزدوروں کے قتل عام پر خاموشی اختیار کرلی ہے ۔ اس کاکیا مطلب ہے۔
ریاستی وزیر کاکہنا ہے کہ کشمیر میں آ رٹیکل 370 ہٹانے سے کس کو کیا فائدہ ہوا۔ مرکزی حکومت نے اپنی حکمت عملی پر لوگوں کو گمراہ کرنے میں مصروف ہے۔
انہوں نے کہاکہ آرٹیکل 370 ہٹانے کے بعد سے اب تک کشمیر کی صورتحال تیزی سے خراب ہوئی ہے۔لوگوں کی پریشانیوں میں اضا فہ ہوا ہے۔اس کا جواب کون دے گا۔
دوسری طرف کشمیر میں گزشتہ روز میبنہ دہشت گردانہ حملے میں ہلاک ہونے والے مغر بی بنگال کے پانچ مزدروں میں سے ایک ظہیرالدین سرکار کی بیوہ نے وزیر اعلیٰ مغربی بنگال ممتابنرجی سے نوکری دینے کا مطالبہ کیا ہے ۔
