مرکزی وزارت داخلہ نے کورونا وائرس کی وبا کے پیش نظر ملک بھر میں نافذ لاک ڈاؤن کی ہدایات کے مغربی بنگال میں خلاف ورزی بڑھتے معاملات پر تشویش کا اظہار کرتے ہوئے ریاستی حکومت کو ان پر روک لگانے اور اس تعلق سے رپورٹ دینے کو کہا ہے ۔
وزارت نے ریاست کے چیف سیکریٹری اور پولیس ڈائریکٹر جنرل کو ارسال کئے گئے مکتوب میں کہا ہے کہ اسے ریاست میں لاک ڈاؤن کے دوران ہدایات سے الگ ہٹ کر رعایت دیے جانے اور تجویز کردہ التزامات کی خلاف ورزی کی اطلاعات موصول ہیں ۔
ذرائع نے بتایا کہ خلاف ورزی کے معاملے راجہ بازار ، نرکیلدنگا ، ٹوپسیا ، مٹيابرج، گارڈنرچ، اقبال پور اور مانک تلا میں پیش آئے ہیں اور ان مقامات پر سماجی فاصلے سے متعلق ہدایات کا خیال نہیں رکھا جا رہا ہے ۔
انہوں نے کہا کہ رپورٹوں میں یہ بھی پتہ چلا ہے کہ مذہبی اجتماعات میں لوگوں کے جمع ہونے پر نظر نہیں رکھی جا رہی ہے اور مفت راشن بھی مناسب تقسیم کاری نظام کے بجائے سیاسی لیڈروں کی طرف سے تقسیم کیا جا رہا۔
وزارت نے کہا ہے کہ یہ سرگرمیاں ڈیزاسٹر مینجمنٹ ایکٹ 2005 کی خلاف ورزی ہے اور ان قصورواروں کےخلاف قانونی کارروائی کی جا سکتی ہے ۔
