مغربی بنگال کے دارالحکومت کولکاتا میں چلتی بس میں خاتون کے ساتھ بدسلوکی کرنے والے شخص کو پولیس نے گرفتار کرلیا۔ خاتون کے 100 نمبر پر ڈائل کرنے کے سبب ملزم کی گرفتاری عمل میں آ ئی۔
خاتون نے 100نمبر پر کولکاتا پولس کو فون کیا ۔پولس فوری طور پر موقع پر پہنچ کر 20سالہ خاتون کے ساتھ بدسلوکی کرنے والے شخص کو پولس نے گرفتار کرلیا ۔
ذرائع کے مطابق خاتون 234نمبر بس سے گڑیا ہاٹ سے جادو پور جارہی تھیں ۔
پولس آفیسر نے بتایا کہ ہم بس کے پسنجروں سے بات کرکے اس پورے معاملے کی جانچ کررہے ہیں۔ تفتیش کے بعد ملزم کو گرفتار کرلیا گیا ہے۔
پولیس کاکہنا ہے کہ ملزم کو عدالت میں پیش کیاگیا جہاں اسے پولیس حراست میں رکھنے کی ہدایت دی گئی ہے۔
کولکاتا پولیس کے مطابق کولکاتا اور اس کے اطراف میں سکیورٹی انتطامات سخت کئے گئے ہیں۔ عام لوگوں کو بھی خواتین کے خلاف تشدد سے متعلق شکایت راست کرنے کی ہدایت دی گئی ہے۔
کولکاتا پولیس نے کولکاتا اورا س کے اطراف میں خواتین کے خلاف تشدد پر قابو پانے کے لئے متعدد خواین پولیس افسران کی ٹیمیں بنائی ہے۔ اس کی مدد سے خواتین کے خلاف تشدد کے واقعے پر قابو پا یا جاسکے۔
