جلپائی گوڑی ضلع کے گارول باڑی کے رہنے والے اسرائیل الحق نام کے ایک کسان کو ایک کروڑ روپے کا لاٹری نکلنے پر پورے گاؤں میں خوشی کا سماں ہے.
مغربی بنگال کے جلپائی گوڑی کے گارول باڑی علاقے میں اسرائیل الحق نام کے ایک کسان کو ایک کروڑ روپے کا لاٹری نکلنے پر پورے گاؤں میں خوشی کا سماں ہے.
لیکن کہا جاتا ہے ناں کہ وقت سے پہلے اور ضرورت سے کسی کو کچھ مل جاتا ہے تو اس کا دماغ خراب ہوجاتا ہے. ایسا ہی اسرائیل الحق کے ساتھ ہوا ہے.
کسان اسرائیل الحق پچاس روپے کے لاٹری میں ایک کروڑ روپے کی رقم تو جیت گئے لیکن اسے کہاں خرچ کریں گے اس کو لے وہ کشمکش میں ہیں.
اچانک اتنی بڑی رقم ملنے کے بعد اسرائیل الحق پیسہ اور اپنے آپ کو بچانے کے لئے مقامی تھانے میں جاکر بیٹھ گئے ہیں.
ان کا کہنا ہے کہ رقم تو مل گئی ہے لیکن خرچ کرنے کو لے کر گھر میں جھگڑا شروع ہوگیا ہے. گھر والوں کے ساتھ ساتھ رشتہ داروں نے دباؤ بنانا شروع کردیا ہے.
- یہ بھی پڑھیں:'تریپورہ انتظامیہ ملزمین کا ساتھ دے رہی ہے'
- ترنمول کا نگریس کا چاروں سیٹوں پر قبضہ، بی جے پی کا صفایا
- تری پورہ تشدد: فیکٹ فائنڈنگ ٹیم کے ارکان کو یو اے پی کے تحت نوٹس
- حکومت ہند وشو ہندو پریشد پر فورا پابندی عائد کرے: الحاج سعید نوری
انہوں نے مزید کہا کہ گھر والوں اور رشتہ داروں کے ساتھ ہونے والی حجت و تکرار سے بچنے کے لئے تھانے میں آکر بیٹھ گئے ہیں.
مقامی تھانے کی پولیس کا کہنا ہے کہ اسرائیل الحق کی جانب سے کوئی شکایت درج نہیں کرائی گئی ہے. انہیں سمجھاکر گھر بھیجا گیا ہے لیکن پولیس پورے معاملے پر گہری نظر رکھی ہوئی ہے.
