کورونا وائرس کی وجہ سے دو ماہ سے بھی زائد عرصے سے جاری لاک ڈاؤن میں زندگی کی تمام سرگرمیاں منجمد ہو گئی تھیں۔لیکن یکم جون سے لاک ڈاؤن میں رعایت دی گئی ہے۔
مغربی بنگال کے دارالحکومت کولکاتا شہر میں ہر طرف زندگی معمول کی طرف گامزن ہے۔تمام بازار کھل چکے ہیں۔تمام طرح کی دکانیں کھل رہی ہیں۔کولکاتا کے مسلمانوں کا اہم کاروباری مرکز زکریا اسٹریٹ میں بھی زندگی تیزی سے معمول کی طرف لوٹ رہی ہے۔
ذکریا اسٹریٹ کی تمام دوکانیں کھل گئی ہیں۔عید و رمضان کے موقع پر زکریا اسٹریٹ بازار میں بڑے پیمانے پر کاروبار ہوتا ہے۔لیکن لاک کی وجہ سے اس بار رمضان میں زکریا اسٹریٹ کے دکانداروں کا کاروبار میں کافی نقصان ہوا ہے۔زکریا اسٹریٹ روایتی ملبوسات،چمڑے کے چپل جوتے،جواہر اور خشک پھلوں کے لئے کافی مشہور ہے۔
پوری ریاست تھوک خریداری کے لئے لوگ یہاں آتے ہیں۔آج جب ایک بار پھر سے زکریا اسٹریٹ دکانیں کھلنے سے ایک بار پھر سے رونقیں لوٹ آئی ہیں۔
زکریا اسٹریٹ اور ربندر سرانی کے دکانداروں نے پچھم بنگا وکاش فاؤنڈیشن کی مدد سے پورے علاقے میں کوورنا وائرس محفوظ رکھنے کے لئے احتیاطی طور پر سینیٹائز کیا گیا۔
زکریا اسٹریٹ کے ایک دکاندار محمد جمال نے بتایا کہ لاک ڈاؤن کی وجہ سے طویل عرصے کے بعد ایک بار پھر سے دکانیں کھلی ہیں۔اس دوران ہمیں کافی نقصان ہوا جس کی تلافی میں ہمیں مہینوں لگ سکتے ہیں۔
لیکن ہم نے ایک بار پھر اپنا کاروبار شروع کر دیا ہے۔اس کے علاوہ پچھم بنگا وکاش فاؤنڈیشن کی مدد سے تمام دکانیں میں سینیٹائزیشن کیا گیا کیونکہ احتیاط بہت ضروری ہے۔
زکریا اسٹریٹ اپنے لذیذ پکوان کے لئے بھی بہت مشہور ہے۔یہاں موجود ہوٹل بھی آج سے کھل گئیں ہیں۔ایک اور دکاندار محمد سہیل نے کہا کہ آج سے کاروبار شروع ہو رہا ہے۔لیکن ہم لاک ڈاؤن کی پاسداری پورا خیال رکھا رہے ہیں اور معاشرتی دوری کا بھی پورا خیال رکھا جائے گا۔
