مغربی بنگال کے جنوبی 24 پرگنہ میں قائم ایک پرائیویٹ کمپنی جی سی سی بائیوٹک انڈیا نے آج دعویٰ کیا ہے کہ اس نے کورونا کے جانچ کیلئے ایک ایسی ٹسٹ کٹس تیار کیا جو کم وقت میں رپورٹ دینے کے ساتھ اس کی لاگت بھی کم ہے یعنی اس کی قیمت 500روپے ہوگی ۔
جی سی سی بائیوٹک انڈیا کے منیجنگ ڈائریکٹر راجا مجمدارنے کہا کہ دو مہینے کی مشقت کے بعد ہم نے یہ جانچ کٹس تیار کیا ہے۔
انہوں نے کہا کہ ایک کروڑ ٹسٹ کٹس تیار کیا گیا ہے اور 40 لاکھ اسٹور میں ہے انہوں نے کہا کہ ہم حکومت کی مدد کرنے کو تیار ہیں اور یومیہ تین لاکھ افراد کی جانچ ہوسکتا ہے
جی سی سی بائیوٹک انڈیا جنوبی 24پرگنہ کے بکراہاٹ میں واقع ہے اور اس نے اپنے لیبارٹری میں یہ کٹس تیار کیا ہے۔
راجا مجمدارنے بتایا کہ یہ جانچ کٹس دو سطحے پر مشتمل ہے۔قیو آرٹی پی سی آر ماسٹر مکس ابتدائی جانچ اور دوسرا پی این آر ٹیمپلیٹ جانچ۔ 90منٹ میں رپورٹ سامنے آجائے گی۔
اس جانچ کے بعد مزید جانچ کی ضرورت نہیں پڑے گی۔ہم لوگ ایک مہینے میں ایک کروڑ ٹسٹ کٹس تیار کرسکتے ہیں۔
انہوں نے کہا کہ ہمیں آئی سی ایم سے کلیئرنس مل گیا ہے اور اب ڈبلیو ایچ او کی منظوری کا انتظار ہے۔اگر ریاستی یا پھر مرکزی حکومت ہمیں جانچ کٹس فراہم کرنے کو کہتی ہے تو ہم کسی بھی وقت اس کیلئے تیار ہیں۔
خیال رہے کہ اس وقت پرائیوٹ لیبارٹری میں 4500روپے میں جانچ ہورہا ہے۔مجمدار نے کہا کہ معاشی طور پر کمزور افراد کیلئے یہ کٹس بہت ہی معاون ثابت ہوسکتی ہے۔
