مغربی بنگال کے دارالحکومت کولکاتا میں واقع جادب پور یونیورسٹی کے باہر شہریت ترمیمی قانون کے خلاف احتجاجی جلسے کو خطاب کرتے ہوئے جے این یو طلبا یونین کی رہنما آئشی گھوش نے کہا کہ 'یونیورسٹیز پرقبضہ کرنے کی فاشسٹ قوتوں کے منصوبے کو ناکام بنائیں۔'
'یونیورسٹیوں پرقبضہ کرنے کی فاشسٹ قوتوں کے منصوبے ناکام بنائیں' جادب پور یونیورسٹی میں طلبا تنظیم ایس ایف آئی کے جلسے سے خطاب کرتے ہوئے آئشی گھوش نے طلبا سے یونیورسٹیز پر قبضہ کرنے کی فاشسٹ طاقتوں کی منصوبہ بندی کو ناکام بنانے کی اپیل کرتے ہوئے کہا کہ 'بی جے پی اعلی تعلیمی اداروں میں آزاد انہ ماحول میں مباحثے سے خوفزدہ ہے۔'
انہوں نے کہا کہ بھگوا قوتوں اور اے بی وی پی نے 2017 سے متعدد بار جے این یو میں جگہ بنانے کی کوشش کی تھی لیکن طلبا کی مزاحمت کی وجہ سے پیچھے ہٹ گئی تھی۔
'یونیورسٹیوں پرقبضہ کرنے کی فاشسٹ قوتوں کے منصوبے ناکام بنائیں' یونیورسٹی کے طلبا سے خطاب کرتے ہوئے گھوش نے کہا ان کے سامنے (اے بی وی پی) کے سامنے ذرا بھی سر نہ جھکے ... اس ملک کو بچانے کے لئے ان کے چیلنجوں کا سامنا کریں۔
اسے ایک’بڑا خطرہ‘ قرار دیتے ہوئے گھوش نے کہا کہ کسی کو بھی کوئی ایسا قدم نہیں اٹھانا چاہئے جس سے انہیں مدد ملے۔
