مغربی بنگال کے دارلحکومت کولکاتا شہری جمعیت اہل حدیث کی جانب سے اعلان کیا گیا کہ وہ آئندہ کل گورنر کو یاداشت دیں گے۔ سی اے اے اور این آر سی کے خلاف اپنی ناراضگی درج کرائیں اس کے ساتھ وزیر اعظم کو بھی خط لکھنے اور سڑکوں پر اترنے کا اعلان کیا ہے۔
این آر سی اور شہریت ترمیمی قانون کے خلاف اب کولکاتا شہری جمعیت اہل حدیث بھی سڑکوں پر اترے گی۔ آج کولکاتا میں ایک پریس کانفرنس میں کولکاتا شہری جمعیت اہل حدیث کی جانب سے اعلان کیا گیا کہ وی این آر سی اور شہریت ترمیمی قانون کے خلاف کولکاتا کی سڑکوں پر اتریں گے۔
ساتھ ہی ان کی جانب سے یہ اطلاع دی گئی کہ آئندہ کل وہ بنگال کے گورنر جگدیپ دھنکر کو این آر سی اور شہریت ترمیمی قانون کے احتجاج میں ایک یاداشت بھی دیں گے۔
کولکاتا شہری جمعیت اہل حدیث کے نائب صدر آفتاب عالم نے کہا کہ نے کہا کہ ملک میں جس طرح کا ماحول ہے اور جس طرح دے مذہبی تعصب پر مبنی قانون بنا کر سیک خاص مذہب کے لوگوں کو نشانہ بنایا گیا ہے،
اس کے خلاف پورے ملک میں احتجاج و مظاہرے جاری ہیں اور اس قانون کی مخالفت میں ہمارے برادران وطن ہمارا ساتھ دے رہے ہیں جو قابل ستائش ہے۔انہوں نے کہا سی اے اے اور این آر سی کے ذریعے مسلمانوں کو حاشیہ پر لانے کی کوشش کی جا رہی ہے ۔
مسلمانوں کو دوسرے درجے کے شہری بنانے کی کوشش کی جا رہی ہے ہم اس کے خلاف چپ نہیں بیٹھے گے۔ ہم آئندہ کل گورنر کو یاداشت دیں گے اور وزیر اعلی کو بھی خط لکھیں گے۔ یہ قانون دستور کے بالکل خلاف ہے اس کے خلاف ہم آئندہ دنوں میں کولکاتا میں احتجاجی ریلی کریں گے اس میں کوئی شامل ہو سکتا ہے آج بھی ہمارے پریس کانفرنس میں کئی غیر مسلم اسکالر شام تھے۔
