مغربی بنگال کے دارلحکومت کولکاتا کے ٹالا بریج کو ریاستی حکومت نے توڑنے کا فیصلہ کر لیا۔ آئندہ کل پبلک ورکس ڈپارٹمنٹ اور ریلوے کے اہلکار مشترکہ طور پر ٹالا بریج کا جائزہ لیں گے۔
15 دنوں میں اس کی رپورٹ وزیر اعلی ممتا بنرجی کو پیش کریں گے ۔ اس کے پی ڈبلیو ڈپارٹمنٹ اور ریلوے اپنے احاطے سے بریج کو توڑنے کا کام شروع کریں گے ۔
آج ٹالا بریج کے سلسلے میں نبنو میں ہوئی میٹنگ میں یہی فیصلہ لیا گیا ۔ ٹالا بریج کے سلسلے میں پہلے ہی ریلوے کے ماہرین نے کہا تھا کہ بریج کی حالت بہت خراب ہے یہی وجہ ہے کہ پوجا سے قبل ہی ٹالا بریج سے بڑی گاڑیوں کی آمدورفت کا سلسلہ بند کر دیا گیا تھا ۔
ٹالا بریج کے سلسلے میں اس سے قبل بھی کارپوریشن، شہری ترقیات،اور متعلقہ وزراء اور اہلکار کی ایک اہم میٹنگ ہوئی تھی جس میں ریلوے کے نمائندے بھی شامل تھے لیکن کوئی حل نہیں نکلا تھا ۔
