مغربی بنگال کے گورنرجگدیپ دھنکر نے ٹوٹیٹ کرتے ہوئے لکھا ہے کہ وزیراعظم کی اپیل پر ملک بھر میں لوگوں نے شمیع روشن کرکے قومی یکجہتی کی عمدہ مثال پیش کی ہے۔ دنیا اب ہماری طرف امید کی نظروں سے دکھ رہی ہے ۔
انہوں نے کہاکہ کوروناوائرس کے خلاف جنگ میں وزیراعظم کی قیادت والی مرکزی حکومت نے اب تک شاندار کام کیا ہے۔ انہوں نے یکے بعد دیگر ٹھوس قدم اٹھا کر اس پر قابو پانے کی بھر پور کوشش کی ہے ۔
گورنر نے کہاکہ گزشتہ شب وزیراعظم نریندر مودی کی اپیل پر بھارت کے لوگوں نے شمیع روشن کرکے یہ ثابت کردیا ہے کہ وہ وباء کو شکست دینے کے لئے بھارتی شہری پرُعزم ہیں۔
انہوں نے کہاکہ مستقبل میں بھی لوگوں سے اسی طرح کی حمایت کی ضرورت ہے کیونکہ ہمیں لمبی جنگ لڑنی ہے ۔اس کے لئے ہمیں پوری طرح سے تیار رہنے کی ضرورت ہے۔
گورنرجگدیپ دھنکر نے وزیراعلیٰ ممتابنرجی کی کوروناوائرس سے نمٹنے کی کوششوں پر کہاکہ وزیراعلیٰ نے اب تک جوکچھ بھی کیا ہےوہ قابل تعریف ہے۔ لیکن ان حالات میں سخت قدم اٹھانے کی ضرورت ہے۔
گورنر مغربی بنگال نے کہاکہ وزیر اعلیٰ ممتا بنرجی کو وزیراعظم نریندر مودی کے نقش قدم پر چلنے کی ضرورت ہے۔ ممتابنرجی بھی وزیراعظم نریندر مودی کی طرح ہی سخت قدم اٹھائیں گی تو ریاست میں حالات بدل سکتے ہیں۔
انہوں نے کہاکہ مجھے خوشی ہے کہ ریاست کے تمام ہسپتالوں کے ڈاکٹرز ،نرس اور دیگر ملازمین نے اس بیماری کو جڑسے اکھاڑ پھینکنے کی زبردست کوشش کی ہے۔
آئندہ چند ہفتوں تک یہ کوشش جاری رہتی ہے یقین ہمیں اس لڑائی میں تاریخی کامیابی ملے گی۔ دنیا بھارت کے وزیراعظم نریندر مودی کی طرف دیکھ رہی ہے۔کیونکہ دنیا یقین ہے کہ بھارت سب سے پہلے کوروناوائرس کے خلاف جاری جنگ میں جیت حاصل کرے گی۔
