بھارت اور بنگلہ دیش کے سرحد پر جانوروں کی اسمگلنگ کا پردہ فاش ہونے کے بعد تمام حزب اختلاف کی جماعتوں نے حکمراں جماعت ترنمول کانگریس کو گھیرنا شروع کر دیا ہے۔
مغربی بنگال کے گورونر جگدیپ دھنکر نے اس سلسلے میں ٹویٹ بھی کیا ہے، دھنکر نے اپنے ٹویٹ میں کہا ہے کہ 'ریاست میں آئین سے بڑا کوئی نہیں ہے، اگر کوئی ایسی بات سوچتا ہے تو وہ سب سے بڑے مغالطے میں ہے۔'
انہوں نے کہا کہ مغربی بنگال میں کوئلہ، جانوروں اور بالی (بالو) کے اسمگلنگ بڑے پیمانے پر ہونے کا انکشاف ہوا ہے۔'
گورنر کا کہنا ہے کہ یہ ایک سنگین جرم ہے اور اس میں ملوث لوگوں کو کسی بھی قیمت پر بخشا نہیں جائے گا۔'
مغربی بنگال کے گورنر جگدیپ دھنکر کے مطابق سرحد پر جانوروں کے اسمگلنگ کے جرم میں گرفتار لوگوں سے پوچھ گچھ کے دوران جو کچھ انکشاف ہوا ہے اس پر تشویش ہے۔
انہوں نے کہا کہ سرحد پر جانوروں کے اسمگلنگ کہیں کوئلہ مافیاؤں کا راج تو کہیں بالی (بالو ) چور سرگرم ہیں، آخر ریاست میں کیا چل رہا ہے، تمام غیر قانونی سرگرمیوں کو روکنے کے لیے حکومت یا نہیں۔'
گورنر کا کہنا ہے کہ ریاست میں یہ سب زیادہ دنوں تک چلنے والا نہیں ہے، حکومت کو اس پر کسی بھی قیمت پر قابو پانے کی کوشش کرنی پڑے گی۔'
واضح رہے کہ گزشتہ ہفتہ سی بی آئی کی ٹیم نے خصوصی چھاپہ ماری مہم کے دوران بی ایس ایف کے ایک کمانڈنٹ آفیسر ستیش کمار کو جانوروں کے اسمگلر کو مدد کرنے کے الزام میں گرفتار کیا تھا۔
اس سے سرحد پر جانوروں کے اسمگلنگ کے ماسٹر مائنڈ انعام الحق کی گرفتاری عمل میں آئی تھی۔
