مغر بی بنگال کے شہری ترقیاتی وزیر اور کولکاتا میونسپل کارپوریشن کے مئیر فرہاد حکیم نے پر یس کا نفرنس کے دوران نامہ نگاروں کو خطاب کرتے ہوئے کہاکہ کولکاتا اور اس کے اطراف کے شہروں میں ہو ا کی کوالٹی دیگرریاستوں سے کافی بہتر ہے۔
انہوں نے کہاکہ ماہرین کی یقین دہانی کے باوجود کولکاتا اور اس کے اطراف کے شہروں میں ہوا میں آلود گی پر قابو پا نے کے لیے اعلیٰ سطح کمیٹی تشکیل دینے کا فیصلہ کیا گیا ہے۔
ریاستی وزیر کے مطابق وزیراعلیٰ ممتا بنرجی کی ہد ایت پر اعلیٰ سطح کمیٹی تشکیل دیینے کا فیصلہ کیا ہے۔ اس کمیٹی میں کل چھ لوگ شامل ہو ں گے۔ ان کی رپورٹ پر ہی آ گے کی کارروا ئی کی جائے گی ۔
فرہاد حکیم کے مطابق پولویشن کنٹرول بورڈ کے تجربہ کار اہلکاروں کو اس کمیٹی میں شامل کیا گیا ہے۔ انہیں آزادنہ طور پر کام کرنے کی ہدایت دی گئی ہے۔
انہوں نے کہاکہ کمیٹی میں شامل افراد کو جلد سے جلد آلودگی سے متعلق رپورٹ تیار کرکے وزیراعلیٰ کو سونپنے کی کی ہدایت دی گئی ہے تا کہ حالات بگڑ نے سے پہلے ہی اس پر مکمل طور پر قابو پا یا جا سکے۔
