مغربی بنگال حکومت نے طوفان بلبل سے متاثر لوگوں کو بازآبادکاری کے لیے دو دولاکھ روپے دینے کااعلان کیاہے۔
مغربی بنگال کے دیہی علاقوں میں آنے والے طوفان بلبل نے ایک بار پھر ریاست کے لوگوں کو آئلا طوفان کی تباہ کاریوں کی یاد دلادی ہے۔ باگھ کھالی سے لیکر کیننگ بلبل طوفان کی تباہ کاریوں کی داستان بیان کر رہی ہے ۔
جنوبی 24 پرگنہ کا علاقہ بڑی طرح متاثر ہوا ہے۔ بنگال کے تین اضلاع میں بلبل طوفان کی تباہ کاریاں جاری رہی ہے جس کے نتیجے 15 افراد کی موت ہوگئی۔
صرف بشیر ہاٹ کے علاقے میں پانچ افراد کی موت ہوئی ہے۔ جنوبی 24پرگنہ اور مشرقی مدناپور میں تین لوگوں کی موت ہوئی ہے جبکہ ساڑھے چار لاکھ سے زائد افراد متاثر ہوئے ہیں۔
اس کے علاوہ 60 ہزار گھروں کو نقصان پہنچا ہے تباہ کاریوں کا جائزہ لینے کے لئے ڈرون کی مدد لی جا رہی ہے۔
وزیر اعلی ممتا بنرجی نے بھی ہوائی جہاز سے اس کا جائزہ لیا اس کے بعد کاکدیپ میں ضلع انتظامیہ کے ساتھ میٹنگ کی۔
اسی دن وزیر اعلی ممتا بنرجی نے بلبل طوفان میں مرنے والے کے اہل خانہ کو دو لاکھ روپئے معاوضہ کے طورپر دینے کا اعلان کیا۔
انہوں نے کہا کہ پانچ سے چھ لاکھ افراد متاثر ہوئے ہیں اور دولاکھ گھروں کو نقصان پہنچا ہے ۔
