مغربی بنگال کے جنوبی کولکاتا کے مکند پورکے کالیکاپور میں واقع ایک گاڑی کی شوروم میں بھیانک اگ لگ گئی۔ اس سے پورے علاقے میں سنسنی پھیل گئی۔
بھیانک آتشزدگی کی اطلاع پا کر دس فائر بریگیڈ کے انجنوں نے جائے وقوع پر پہنچ کر گھنٹوں کی مشقت کے بعد آگ پر پاقابو پایا۔ فائر بریگیڈ کے اہلکاروں کو آگ پر قابو پانے میں دشواریوں کا بھی سامنا کرنا پڑا۔
اس واقعہ کی اطلاع پاکر وزیر دمکل سجیت باسو اور رکن پارلیمان ممی چکرورتی جائے وقوع پرپہنچں۔ اس کے علاوہ ایچ آت ایف ایس اور کولکاتا پولیس کی بھی ٹیم موقع پرپہنچ گئی۔
دمکل وزیر سجیت باسو کاکہنا ہے کہ فائر بریگیڈ کے اہلکاروں کی مشعتدی کی وجہ سے آتشزدگی پر جلد قابو پا یا گیا ۔ شکر اس واقعہ میں کسی جانی نقصان کی اطلاع نہیں ہے۔
رکن پارلیمان ممی چکرورتی کاکہنا ہے کہ واقعہ کی اطلاع موصول ہوتے ہی جائے وقوع پرپہنچنا ضروری سمجھا۔یہاں آنے کے بعد لوگوں سے بات بات چیت کی ۔
فائر بریگیڈ کے اہلکا ر کاکہنا ہے کہ گاڑی کی شوروم میں آگ لگنے کی وجہ اب تک معلوم نہیں چل سکی ہے لیکن اتنا ضروری ہے شارٹ سرکٹ کی وجہ سے ہی یہ واقعہ پیش آ یاہے ۔
انہوں نے کہاکہ پورے معاملے کی تفتیش کی جارہی ہے۔ شوروم کے ملازمین سے پوچھ تاچھ کی جائے گی۔ اس واقعہ میں کسی جانی نقصان نہیں ہو ا ہے لیکن کافی مالی نقصان ہو اہے۔
فائر بریگیڈکے اہلکار کے مطابق آتشزدگی میں تیس کروڑ روپے کا نقصان ہو ا ہے ۔
پولس نے بتایا کہ جنوبی 24پرگنہ کے نریندر پور پولس اسٹیشن کے تحت آنند پور علاقے میں واقع ماروتی کار سروس سنٹر میں بڑے پیمانے پر آگ لگ گئی۔ریاستی وزیر فائرسروس سوجیت بوس نے کہا کہ آگ اس وقت کنٹرول میں ہے اور مکمل طور پر بجھاے کا عمل جاری ہے۔
سروس سنٹر کے ایک ملازم نے بتایا کہ سروس سنٹر میں اس وقت 40کاریں تھیں۔کروڑوں روپوں کا نقصان ہوا ہے۔تاہم اب تک پولس نے نقصان کا تخمینہ نہیں پیش کیا ہے۔
آگ لگنے کی وجہ بھی نہیں معلوم ہوسکی ہے۔
