کولکاتا: یونیورسٹی کو فرسٹ ایئر کے طالب علم کی موت کے حوالے سے سات دن کے اندر ٹیم کو رپورٹ دینا ہوگی۔ اس رپورٹ کی بنیاد پر فیکٹ فائنڈنگ ٹیم ہائر ایجوکیشن ڈیپارٹمنٹ کو رپورٹ کرے گی۔ دوسری جانب کلکتہ پولیس نے ایک اور شخص کو فوج کی وردی پہن کر یونیورسٹی کیمپس میں داخل ہونے پر گرفتار کرلیا ہے۔
منگل کو یونیورسٹی کا دورہ کرنے کے بعد ممبر جے شری رائے چودھری نے کہا کہ وہ وہاں مجموعی انفراسٹرکچر کا جائزہ لینے گئے تھے۔ اینٹی ریگنگ کمیٹی نے صورتحال کو کیسے کنٹرول کیا، اس بارے میں ان سے پوچھ گچھ کی ہے۔ تاہم وہ انتظامیہ کی لاپرواہی تلاش کرنے نہیں گئے۔ انہوں نے کہا کہ ہم غفلت دیکھنے نہیں آئے۔ ہم انتظامی کوتاہیوں اور انفراسٹرکچر کی خرابیوں کو دیکھنے آئے ہیں۔
9 اگست کو جادوپور یونیورسٹی کے مرکزی ہاسٹل کی تیسری منزل سے سال اول کا ایک طالب علم گرنے کی وجہ سے زخمی ہوگیا ۔ بعد میں اسپتال میں اس کی موت ہوگئی۔ طالب علم کی موت کے پیچھے ریگنگ کا ہاتھ ہونے کا الزام لگایا گیا ہے۔ 17 اگست کو محکمہ ہائر ایجوکیشن نے یونیورسٹی کی غلطیوں کا پتہ لگانے کے لیے فیکٹ فائنڈنگ کمیٹی تشکیل دی تھی۔ محکمہ ہائر ایجوکیشن کی طرف سے جاری کردہ ایک نوٹیفکیشن میں بتایا گیا کہ جادوپور یونیورسٹی کیمپس میں سال اول کے ایک طالب علم کی موت تشویش ناک ہے۔ریکنگ کے الزامات لک رہے ہیں۔ اس معاملے کو متعلقہ تفتیشی ایجنسی دیکھ رہی ہے۔ اس کے علاوہ یونیورسٹی میں کئی انتظامی خامیاں اور بنیادی ڈھانچے کی خامیاں ریاستی حکومت کی توجہ میں آئی ہیں۔ ہائیر ایجوکیشن ڈیپارٹمنٹ کی طرف سے ایک فیکٹ فائنڈنگ کمیٹی قائم کر دی گئی ہے جو خامیوں کا پتہ لگا کر مسئلے کو حل کرے گی۔ اسی ٹیم نے منگل کو یونیورسٹی کا دورہ کیا۔
یہ بھی پڑھیں:Mamata Banerjee Slam Govt اپوزیشن جماعتوں کے اتحاد انڈیا سے بی جے پی حکومت خوفزدہ
دریں اثنا، جادوپور میں ایک اور شخص کو فوج کی وردی پہن کر یونیورسٹی میں داخل ہونے پر گرفتار کیا گیا ہے۔ کلکتہ پولیس نے اس شخص کو چمپاہٹی سے گرفتار کیا ہے۔ اسے منگل کو عدالت میں پیش کیا گیا۔ عدالت نے تین ستمبر تک پولیس کی تحویل میں دینے کا حکم دیا۔این سی سی کے اے ڈی جی میجر جنرل وویک تیاگی نے منگل کو جادو پور کے وائس چانسلر بدھ دیو سا سے ملاقات کی۔
