مغربی بنگال کے بنیادپور کے بنگشاہار کے بس اسٹینڈ کے پاس ایک پولیس اہلکار کو ڈیوٹی کے دوران نشے کی حالات میں پایا گیا۔ نشے کے عادی اس پولیس اہلکار کو وزیر چندریما بھٹاچاریہ کی انتخابی جلسے کے قریب تعینات کیا گیا تھا۔
بس اسٹینڈ کے پاس پولیس اہلکار کو نشے میں میں دیکھ کر نوجوانوں اور بچوں نے تصویر بنا لی۔
اس واقعہ پر سی پی آئی ایم کے رہنما شکرالدین احمد نے کہا کہ جب پولیس کی یہ حالت ہے تو اس حکومت سے اور کیا امید کی جا سکتی ہے۔
انہوں نے کہا کہ بس اسٹینڈ کے قریب ترنمول کانگریس کی رہنما اور وزیر چندریما بھٹا چاریہ عوامی جلسے کو خطاب کر رہیں تھیں اور جلسہ گاہ کے قریب یہ پولیس اہلکار نشے میں دھت پڑا ہوا تھا۔
سی پی آئی ایم کے رہنما کا کہنا ہے کہ حکمراں جماعت ترنمول کانگریس کی سربراہ ممتا بنرجی نے گزشتہ روز دن بھی پولیس اہلکاروں کو ڈیوٹی کے دوران چوکس رہنے کی ہدایت دی تھی اور آج نتیجہ یہ نکلا۔
وہیں، بی جے پی کے رہنما کا کہنا ہے کہ پولیس نشے میں دھت لوگوں کو پکڑ کر چالان کرتی ہے اور انہیں کورٹ سے ضمانت ملتی ہے، اب سوال یہ ہے کہ اس پولیس اہلکار کا چالان کون کاٹے گا۔
