مغربی بنگال سی پی ایم کے معروف رہنما محمد سلیم نے بھارت میں سی پی ایم ہی عوامی سیاسی جماعت ہے۔ اس کے بغیر بھارتی سیاست کا تصور نہیں کیا جا سکتا ہے۔
انہوں نے کہا کہ دہلی تشد د کے دوران اپنا سب کچھ لٹانے والے افراد کے لئے ہم آ گے نہیں آئیں گے تو کون آئے گا۔ دہلی کے لوگوں کو ہمدردی کے ساتھ ساتھ پھر سے اپنے پیروں پر کھڑا ہونے کے لئے مالی امداد کی ضرورت ہے۔
محمد سلیم نے کہا کہ عوامی فنڈ کو اکٹھا کرکے دہلی کے لوگوں تک پہنچائے جائیں گے۔
سی پی ایم کے رہنما کا کہنا ہے کہ دہلی میں اروند کجیروال کی حکومت سے زیادہ زور مرکزی حکومت کا ہے ۔ مرکزی حکومت اگر چاہتی تو وہ دہلی میں وقت سے قبل تشدد پر قابو پایا جا سکتا تھا۔ لیکن ایشا نہیں کیا گیا ۔
انہوں نے کہاکہ میں کسی پر الزام لگانے کے لئے سلی گوڑی نہیں آ یا ہوں ۔ میں صرف اتنا جانتاہوں کہ امت شاہ وزیر داخلہ ہیں ۔ انہیں دہلی تشدد پر قابو پانے کے لئے غیرمعمولی قدم اٹھانا چاہئے تھا لیکن ایسا نہیں کیا ۔
دوسری طرف ترنمول کانگریس کی حکومت پر تنقید کرتے ہوئے کہاکہ وزیراعلیٰ ممتابنرجی نے بی جے پی مغربی بنگال میں پاوں پھیلا نے کا موقع دیا ہے۔
انہوں نے کہاکہ مغربی بنگال کے عوام اس کا خمیازہ بھگت رہے ہیں۔ ترنمول کانگریس کو اس کا جواب دینا ہوگا۔
