مغربی بنگال کی وزیر اعلی اور ترنمول کانگریس کی سربراہ ممتا بنرجی نے سابق مرکزی وزیر سشما سوراج کو ان کی جینتی پر یاد کرتے ہوئے کہا کہ 'پارلیمانی سیاست میں ان کی غیر موجودگی کو محسوس کیا جاتا ہے۔'
محترمہ بنرجی نے ٹویٹ کر کے کہا کہ 'سابق مرکزی وزیر سشما سوراج جی کو ان کی جینتی پر یاد کرتے ہیں ۔ ان کی غیر موجودگی کو پارلیمانی سیاست میں محسوس کیا جاتا ہے۔'
وزیراعلیٰ نے کہا کہ 'سشما سوراج ایک اعلیٰ درجے کی سیاست داں ہونے کے ساتھ ساتھ ذہین وزیر بھی تھیں۔ انہوں نے کئی مواقع پر پیچیدہ مسئلے کو آسانی سے حل کیا تھا۔'
انہوں نے کہا کہ 'سشما سوارج کو ان کی یاد گار خدمات کے سبب ہمیشہ یاد کیا جائے گا۔ بھارتیہ جنتا پارٹی میں ان کی خدمات کو کبھی فراموش نہیں کیا جا سکتا ہے۔'
