'یکم اپریل سے بنگال میں ایک بھی چیک پوسٹ نہیں ہوگا'

وزیراعلیٰ ممتا بنرجی نے سکٹریٹ بلڈنگ نبنو میں یکم اپریل سے ریاست کے تمام چیک پوسٹ کو ختم کرنے کا اعلان کیا۔

مغربی بنگال کی وزیراعلیٰ ممتا بنرجی نے سکٹریٹ بلڈنگ نبنو میں پر یس کانفرنس کو خطاب کرتے ہوئے کہاکہ کسانوں اور تاجروں کے لئے ریاست کے تمام چیک پوسٹوں کو ختم کرنے کافیصلہ کیا گیا ہے۔

انہوں نے کہاکہ کسانوں کو اب ریاست کے کسی بھی چیک پوسٹ پر اپنے مال کے لئے ٹیکس دینے کی ضرورت نہیں ہوگی۔ کسانوں کو اس سے فائدہ ہوگا۔

وزیراعلیٰ نے کہاکہ ریاست کے 109 چیک پوسٹ کو ختم کیا جارہا ہے۔ اس سے تجارت کو فروغ ملے گا اور تاجروں کو اس فیصلے سے فائدہ ہوگا۔

ترنمول کانگریس کی سربراہ کاکہنا ہے کہ حکومت کے 109 چیک پوسٹ کو ختم کرنے کے اس فیصلے سے وہاں کام کرنے والوں کی نوکری نہیں جائے گی۔ ان چیک پوسٹوں پر تیعنات اہلکاروں کو دوسرے کاموں کے لئے مقررکیا جائے گا۔

'یکم اپریل سے بنگال میں ایک بھی چیک پوسٹ نہیں ہوگا'

انہوں نے کہاکہ چیک پوسٹ ختم کرنے کے فیصلے باوجود کسانوں اور تاجروں کو شناختی کارڈ کے ساتھ سفر کرنا ہوگا تاکہ انہیں کسی بھی طرح کی دشواریوں کا سامنا نہ کرنا پڑے۔

اس کے علاوہ وزیراعلیٰ نے کہاکہ ریاستی حکومت کسانوں اور تاجروں کی ترقی کے لئے کئی منصوبہ بنا رکھی ہے۔ آنےو الے دنوں میں مزید منصوبوں کااعلان کیا جا ئے گا۔