مغربی بنگال کی وزیراعلیٰ ممتا بنرجی نے کہا کہ ٹاسک فورس جس کی سربراہی نوبل انعام یافتہ ابھیجیت بنرجی کررہے ہیں 152,000کروڑ کے اقتصادی پیکج پر کام کررہی ہے۔جلد ہی ٹاسک فورس اپنی سفارشات پیش کرے گی۔
ممتا بنرجی نے کہا کہ لاک ڈاؤن کی وجہ سے سرکاری خزانے کو ماہانہ نقصان کا تخمینہ5,000کروڑ روپے۔ ریاست کو زبردست مالی نقصان کا سامنا ہے۔مگرمرکزی حکومت ایک پیسہ مدد کے لئے تیار نہیں ہے
وزیرا علیٰ نے کہا کہ بنگال ملک کے قرضوں سے دبے ہوئے ریاستوں میں سے ایک ہے۔بنگال حکومت مختلف فلاحی اسکیموں کے لئے سالانہ تقریبا55,000کروڑ روپے خرچ کرتی ہے اور 55,000روپے مرکز کو بطور سود کے دیتی ہے۔
مالی بحران پر قابو پانے کے لئے وزیر اعلی نے مرکزی حکومت سے اپیل کی ہے کہ سود کی رقم کی ادائیگی میں ایک سال کی چھوٹ دی جائے۔
انہوں نے کہا ہے کہ جی ایس ٹی کے جوواجبات باقی ہیں جلد سے جلد ریاست کیلئے جاری کئے جائیں۔ مرکزی حکومت اگر جی ایس ٹی کی بقیہ رقم ریاست کو سونپ دیتی ہے تو حالات میں تیزی سے بہتر ی آنے کی امید ہے ۔
