مغربی بنگال کے گورنر ہاؤس میں گورنر جگدیپ دھنکر اور وزیراعلیٰ ممتا بنرجی کے درمیان تلخیوں کی تمام قیاس آرائی دم توڑ گئی۔ دونوں اعلیٰ رہنماؤں کے درمیان تقریبا ایک گھنٹے تک میٹنگ چلی۔
دونوں اعلیٰ رہنماؤں کے درمیان میٹنگ کے دوران مغربی بنگال میں لا ء اینڈ آ رڈر سمیت کئی موضوع پرتبادلہ خیال کیاگیا۔
میٹنگ کے دوران ریاست کے تمام اضلاع میں نظم و نسق ، کالج یونیورسٹیوں سمیت تمام اہم مقامات پر سکیورٹی انتظامات سے متعلق باتیں بھی ہوئیں۔
ذرائع کے مطابق گورنر جگدیپ دھنکر اور وزیر اعلیٰ ممتا بنرجی کے درمیان میٹنگ کا اہم موضوع ہجومی تشدد مخالف قانون اور ایس سی اور ایس ٹی بل رہا۔
ترنمول کانگریس کی قیادت والی حکومت ہجومی تشدد مخالف بل اور ایس سی ایس ٹی بل کو گورنر کے پاس منظوری کے لئیے بھیجا ہے جو اب تک زیر التوا ہے۔
واضح رہے کہ جگدیپ دھنکر کے مغربی بنگال کے گورنر بننے کے بعد سے ہی مغربی بنگال کی حکومت کے ساتھ تنازعہ جاری ہے ۔
ریاست کے آ ئینی سربراہ گورنر جگدپیپ دھنکر پر ریاستی حکومت کے کاموں میں مداخلت کرنے کا الزام عائد ہو تا رہا ہے ۔
اس کے علاوہ وزیر اعلیٰ ممتابنرجی کے خلاف بھی بیان بازی کی خبریں موصول ہو تی رہی ہے۔
دوسری طرف ترنمول کانگریس کی سربراہ اور وزیر اعلیٰ ممتابنرجی نے بھی گورنر کی تنقید کی ہے ۔ اس کے علاوہ حکمراں جماعت کے کئی اعلیٰ رپنما ؤں نے بھی گورنر پر حکومتی اداروں میں مداخلت کرنے کاالزام لگا تے رہے ہیں۔
