مغربی بنگال کی وزیر اعلیٰ ممتا بنرجی نے مرکزی حکومت پر طنز کرتے ہوئے کہاکہ ہم لوگ ریاستی سطح پر کورونا وائرس کے بحران سے نمنٹے کی کوشش کررہے ہیں لیکن اس بحرا ن کے وقت بھی مرکزی حکومت ہمارے ساتھ سیاست کررہی ہے۔
وزیراعلیٰ ممتا بنرجی کہا کہ مغربی بنگال کئی بین الااقوامی سرحد اور کئے بڑی ریاستوں کی سرحد سے متصل ہے اور اس چیلنج کا مقابلہ کررہے ہیں۔ ملک کی تمام ریاستوں کو یکساں مواقع اور اہمیت دینی چاہیے۔بحران کے دور میں ہم سب کو ٹیم انڈیا کے طورپر کام کرنے کی ضرورت ہے۔
انہوں نے کہاکہ جن ریاستوں میں سب سے زیادہ کیسز آ رہے ہیں ان پر مرکزی حکومت کی نظریں نہیں پڑ رہی ہے ۔ ان ریاسےوں کے بارے میں نہ وزیرداخلہ کچھ کہتے ہیں اور نہ ہی مرکزی صحت محکمہ کچھ کہنے کو تیار ہے۔ لیکن غیربی جے پی حکومت والی ریاستوں کو ہدف تنقید بنایا جاریا ہے۔
واضح رہے کہ حالیہ دنوں میں مرکزی حکومت نے کوروناوائرس کے سے نمٹنے کیلئے ریاستی حکومت کے انتظامات اور کم جانچ پر سوال کھڑے کئے ہیں۔
مرکزی حکومت نے کہا تھا کہ جانچ میں کمی کی وجہ سے ریاست میں کورونا وائرس سے مرنے والوں کی شرح 13.2فیصدسب سے زیادہ ہے۔
جبکہ ریاستی حکومت نے کہا کہ ابتدا میں کورونا وائرس کے مریضوں کی شناخت میں کمی اس لئے ہوئی کہ ریاست کے پاس انفراسٹکچر نہیں تھا اور اس کی وجہ سے مرنے والوں کی تعداد میں اضافہ ہوا۔
