مغربی بنگال کی وزیر اعلیٰ اور ترنمول کانگریس کی سربراہ ممتابنرجی نے بالی ووڈ کےبادشاہ اورریاست کے برانڈ ایمبسیڈر شارہ خان کی 54ویں یوم پیدائش کے موقع پر انہیں مبارکباد پیش کی ۔
انہوں نے اس موقع پر شاہ رخ کو خصوصی ایوارڈ سے نوازا ہے ۔شاہ رخ خان کو بنگال میں اہم مقام حاصل ہے۔
ممتابنرجی اپنے ٹویٹر اکاونٹ پر شاہ رخ خان کو مبارکباد پیش کرتے ہوئے 25 ویں کولکاتا انٹرنیشنل فلم فیسٹول میں مہمان خصوصی کی حیثیت سے شرکت کرنے کےلیے دعوت بھی دی۔
وزیراعلیٰ کے مطابق کولکاتابین الاقوامی فلم فیسٹول میں ان کی شرکت اہم ہے ۔ ان کی موجودگی سے فیسٹول میں چار چاند لگ جائیں گے۔بنگال کے لوگوں نے شاہ خان کو جتنی محبت دی ہے اتنی کسی دوسری فلمی شخصیات کونہیں ملی ہے۔
انہوں نے لکھا ہےکہ شاہ رخ خان نہ صرف بالی ووڈ کے بادشاہ ہیں بلکہ ریاست مغربی بنگال کے برانڈ ایمبیسڈر بھی ہیں۔ ان کا بنگال سے خاص رشتہ ہے ۔
ممتابنرجی کے مطابق شاہ رخ خان چارمنگ برادر بھی ہیں۔ شاہ رخ نے نہ صرف فلموں کے ذریعہ لوگوں کو تفریح کی ہے بلکہ فلاح بہبود کے اسکیموں میں بڑھ چڑھ کر بھی حصہ لیا ہے۔
