مغربی بنگال کی وزیر اعلیٰ ممتا بنرجی نے مشہور اداکار رشی کپور کے انتقال پر تعزیت کرتے ہوئے کہا ہے کہ رشی کپور نے صبر اور ہمت کے ساتھ بیماری کا مقابلہ کیا ہے۔خیال رہے کہ رشی کپور کینسرجیسے موذ ی امراض میں مبتلا تھے۔
ممتا بنرجی نے کہا کہ نیشنل ایوارڈ یافتہ، آئیکونک اداکار رشی کپور کے انتقا ل پر دکھ اور افسوس ہوا۔انہوں نے 150فلموں میں اداکاری کی ہے۔میں ان کے اہل خانہ،دوست و احباب اور فلمی دنیاسے وابستہ لوگوں سے تعزیت کرتی ہوں۔
کپور کو ایچ این ریلائنس اسپتال کل اسپتال میں داخل کرایا گیا تتھا۔ایک سال تک امریکہ میں علاج کرانے کے بعد گزشتہ سال ہی ستمبر میں ہندوستان لوٹے ہیں۔فروری میں بھی طبیعت خراب ہونے کی وجہ سے اسپتال میں داخل کرایا گیا تھا۔
دودنوں میں دو مشہور اداکاروں کے انتقال سے فلمی نگری اور فلم شائقین صدمے میں ہے۔
