مغر بی بنگال کی وزیر اعلیٰ ممتابنرجی نے تامل ناڈو کے سابق وزیر اعلیٰ اور ڈی ایم کے کے رہنما کرونا ندھی کی پہلی برسی پر خراج عقیدت پیش کیا اور عظیم سیاسی رہنما قراردیا ۔
وزیراعلیٰ ممتابنرجی نے کہاکہ ڈی ایم کے کے بانی اور سابق تامل ناڈو کے وزیراعلیٰ ایم کرونا ندھی کی پہلی برسی پر انہیں خراج عقیدت پیش کرتی ہوں۔
انہوں نے کہاکہ وہ ایک عظیم سیاسی رہنما تھے ۔ انہوں نے ملک اور ریاست تامل ناڈو کے لیے ناقابل فراموش کارنامہ انجام دیا ہے۔ ان کے کارنامے کو بھی کبھی بھی فراموش نہیں کیے جاسکتے ہیں۔
وزیر اعلیٰ ممتا بنرجی نے مزیدکہاکہ اسٹالن سے بڑی امید ہے ۔ ڈی ایم کے کے صدر اسٹالن بھی مرحوم والد کے نقشے قدم پر چلتے ہوئے اپنی پارٹی کو آگے بڑھائیں گے اور ریاست تامل ناڈو کی ترقی میں اہم رول ادا کریں گے۔
ڈی ایم کے کے صدر ایم کے اسٹالن نے مغر بی بنگال کی وزیراعلیٰ ممتابنرجی کو مجسہ تحفے میں دیا۔
سابق وزیراعلیٰ ایم کروناندھی کی پہلی برسی کی تقریب میں مغربی بنگال کی وزیر اعلیٰ ممتابنرجی کے علاوہ پونڈی چیری کے وزیراعلیٰ وی ناراین سوامی ،تلگو دیشم پارٹی کے چیف این چندرابابونائیڈو سمیت کئی اعلیٰ رہنماؤں نے شرکت کی۔
قابل ذکر ہے کہ ڈی ایم کے کے صدر ایم کے اسٹالن کولکاتا میں منعقد مہاریلی میں شرکت کے دوران مغربی بنگال کی وزیراعلیٰ ممتابنرجی کو ان کے والد کی پہلی برسی کی تقریب میں شرکت کی دعوت دی تھی۔
واضح رہے کہ ڈی ایم کے کے رہنما اور سابق وزیر اعلیٰ ایم کرونا ندھی کی گزشتہ سال سات اگست کو موت ہوئی تھی۔
