مغربی بنگال کی وزیراعلیٰ ممتابنرجی نے اترپردیش میں صحافی کے قتل پر بھارتی جنتاپارٹی کی قیادت والی یوگی آدیتہ ناتھ کی حکومت پر تنقید کرتے ہوئے کہاکہ اس ریاست میں جرائم کاگراف سب سے اوپر ہے۔ عام لوگ جرائم پیشہ افراد سے پریشان تھے لیکن صحافیوں کو بھی بخشانہیں جارہاہے
وزیر اعلیٰ ممتا بنرجی نے اترپردیش میں صحافی کی ہلاکت کے واقعے کو ناقابل قبول قرار دیاہے۔ اس طرح کی واردات کو روکنے میں اترپردیش کی حکومت پوری طرح سے ناکام ثابت ہورہی ہے۔اس سے قبل اناؤ عصمت دری کیس میں اہم گناہ پر جان لیوا حملہ اور اب صحافی کوموت کاگھاٹ اتار دیا گیا۔
ممتا بنرجی نے ٹوئیٹ کرتے ہوئے لکھا ہے کہ اترپردیش کے ضلع سہارن پور میں ایک نوجوان صحافی اسیش جن وانی اور اس کے بھائی کو گولی مارکر ہلاکت کی خبر ملی ہے۔یہ بہت ہی افسوس ناک اور ناقابل قبول ہیں۔
انہوں نے کہاکہ میں مہلوک کے اہل خانہ اور دینک جاگرن کی ٹیم سے تعزیت کرتی ہوں۔ انہوں نے کہاکہ صحافی کے اہل خانہ سے ہمدردی ہے ۔ صحافی کی موت کے بعد ان کے گھروالوں پر کیا گزررہا ہے یہ احساس کسی کو ہو گایانہیں اس کے بارے میں بھی کچھ نہیں جا سکتاہے۔
خیال رہے کہ 24سالہ صحافی اور اس کے بھائی کو ان کی رہائش گاہ پر گولی مار کر ہلاک کردیا گیا ہے۔
