مغربی بنگال کے دارالحکومت کولکاتا میں واقع کلکتہ ہائی کورٹ کے جسٹس شیوکانت پرساد نے روز ویلی چٹ فنڈ معاملے میں گرفتار کمپنی کے منیجنگ ڈائریکٹر گوتم کنڈ کی درخواست ضمانت خارج کردیا ہے۔
عدالت نے گوتم کنڈو کا علاج سپر اسپیشیلٹی اسپتال میں کرانے کی ہدایت دیتے ہوئے ای ڈی ان کے علاج پر خرچ کرے گی۔
گوتم کنڈو نے چھ سال جیل میں رہنے کے بعد ہائی کورٹ میں ضمانت کے لئے درخواست دی تھی ۔روز ویلی کے وکیل ارون مکھرجی نے عدالت کو بتایا کہ گوتم کنڈو کینسر کے مریض ہیں ۔
علاج کےلئے انہیں ضمانت ملنی چاہئے۔ لیکن جمعہ کو عدالت نے ان کی ضمانت کی درخواست مسترد کردیا تاہم عدالت نے حکم دیا کہ گوتم کنڈو کاسپر اسپیشلٹی اسپتال میں ای ڈی کا علاج کرائے گی
ای ڈی نے 15جنوری کو روز ویلی میں چار افراد کے خلاف چارج شیٹ داخل کیا ہے۔ ای ڈی (انفورسمنٹ ڈائریکٹوریٹ) نے خصوصی سی بی آئی عدالت میں کہا ہے کہ یہ گھوٹالہ 15ہزار520کروڑ روپے کا ہے۔
ای ڈی نے روز ویلی چٹ فنڈ کمپنی کے کئی اثاثوں کو ضبط کیا ہے ۔ ای ڈی نے اس ضمن میں ان سے کئی مرتبہ پوچھ تاچھ کی ہے ۔