کولکاتا:مغربی بنگال بی جے پی کے ریاستی صدر سوکانت مجمدار نے آئی ایس ایف کے ممبر اسمبلی نوشاد صدیقی کی گرفتاری پر ممتابنرجی کی قیادت والی ریاستی حکومت کی سخت تنقید کرتے مجمدار نے کہا کہ آئی ایس ایف کی پالیسیوں سے ہمیں شدید اختلافات ہیں۔تاہم سیاسی نظریات کے باوجود نوشاد صدیقی کو جس طریقے سے گرفتار کیا گیا ہے ہم اس کی مذمت کرتے ہیں اور یہ ثابت کرتا ہے کہ ممتا بنرجی کی حکومت میں جمہوریت ختم ہوتی جارہے۔
بھانگر سے ممبر اسمبلی نوشاد صدیقی کو دھرم تلہ میں ترنمول کانگریس کے لیڈر اعراب الاسلام کے ذریعہ آئی ایس ایف کے ورکروں پر حملے کے خلاف احتجاج کے دوران گرفتار کیا گیا تھا۔بدھ کو شہرسول سوسائٹی کی جانب سے ایک جلوس نکالا گیا تھا جس میں ہزارو افراد نے شرکت کی تھی۔حیرت انگیز بات یہ ہے کہ ہگلی کے سینگور میں بی جے پی کے اقلیتی مورچہ نے بھی نوشاد صدیقی کی گرفتاری کے خلاف جلوس نکالا گیا تھا۔بی جے پی کے اس جلوس کو کافی اہم سمجھاجاتا ہے۔سینگور پولس اسٹیشن کے باہر بی جے پی ورکروں نے احتجاج کیا۔
یہ بھی پڑھیں:Minority Leaders Reaction رکن اسمبلی محمد نوشاد صدیقی کی گرفتاری پر مسلم حلقوں میں شدید ناراضگی
اس سے قبل سی پی ایم نے نوشاد کی گرفتاری کے بعد سڑکوں پر احتجاج کیا۔ ISF کے اتحادیوں نے 2021 کے اسمبلی انتخابات کے لیے ریاست گیر پروگرام کا مطالبہ کیا ہے۔ بی جے پی اس گرفتاری پر سوال کھڑا کرکے مسلم ووٹ بینک میں سیند ھ لگانے کی کوشش کررہی ہے۔
