مغربی بنگال بی جے پی کے صدر دلیپ گھوش کی قیادت میں بی جے پی کی نئی کمیٹی تشکیل دی گئی، جس میں 105 افراد کو جگہ ملی ہے۔اس بار کمیٹی میں 25 فیصد نئے چہروں کو شامل کیا گیا ہے۔
ترنمول کانگریس چھوڑ کر بی جے پی میں شامل ہونے والے کولکاتا کارپوریشن کے سابق مئیر شوبھن دیب چٹرجی کو ریاستی کمیٹی کے مجلس عاملہ میں شامل کیا گیا ہے۔جبکہ اس فہرست میں شوبھن دیب چٹرجی کی دوست بیشاکھی بنرجی کا نام نہیں ہے۔
ریاست مغربی بنگال میں 2021 میں اسمبلی انتخابات ہونے والے ہیں۔ریاستی بی جے پی نے اس کے لئے تیاری ابھی سے شروع کر دی ہے۔صدر دلیپ گھوش نے آج نئی ریاستی کمیٹی کااعلان کیا۔جس میں 105 افراد شامل کیے گئے ہیں اس نو تشکیل شدہ کمیٹی میں کئی نئے چہروں کو شامل کیا گیا ہے۔ جس میں25 فیصد نئے چہرے ہیں۔
ترنمول کانگریس سے بی جے پی میں شامل ہونے والے کولکاتا کارپوریشن کے سابق مئیر شوبھن دیب چٹرجی کو بھی ریاستی کمیٹی میں جگہ دی گئ ہے۔جبکہ ترنمول کانگریس چھوڑکر بی جے پی میں شامل ہونے والے نوجوان رہنما شنکھو دیب پانڈا کو بھی کمیٹی میں شامل کیا گیا ہے۔
شوبھن دیب کی دوست بیشاکھی بنرجی ان کے ساتھ ہی بی جے پی میں شامل ہوئی تھی۔لیکن انھیں ریاستی کمیٹی میں جگہ نہیں ملی ہے۔نو تشکیل شدہ کمیٹی کی آئندہ جمعرات کو پہلی میٹنگ ہونے والی ہے جس کی صدارت بی جے پی کے قومی صدر جے پی نڈا کریں گے۔
ریاستی کمیٹی کے علاوہ ایک مغربی بنگال خصوصی کمیٹی بھی تشکیل دی گئی ہے۔اس کمیٹی میں بھی کئی نئے چہروں کو شامل کیا گیا ہے۔ ریاستی کمیٹی میں 32 عہدے دار بھی شامل ہیں۔ریاستی کمیٹی میں خواتین کی بھی نمائندگی بڑھی ہے۔
