بی جے پی نے کہا ہے کہ 11کاؤنسلر ہونے کے باجوود عدم اعتماد کی تحریک میں 9کاؤنسلر والے گروپ کی جیت کا اعلان کردیا گیا ہے۔
بی جے پی نے کہاکہ اس کے دو کاؤنسلروں کو کلکتہ ہائی کورٹ سے ضمانت ملنے کے باوجود میونسپلٹی میں داخل ہونے نہیں دیا گیا ہے اس کی بنیادپر ترنمول کانگریس نے دعویٰ کیا ہے کہ اس نے 10-9ووٹ سے میونسپلٹی میں اعتماد کی تحریک جیت لی ہے۔
بی جے پی کے جنرل سکریٹری نے کہا کہ کلکتہ ہائی کورٹ نے تین کاؤنسلروں کو عدم اعتماد کی تحریک میں حصہ لینے کی ہدایت دی تھی۔مگر ترنمول کانگریس نے بی جے پی کے ممبران کی آمد کا انتظار کیے بغیراعتماد کا ووٹ حاصل کرنے کا اعلان کردیا ہے۔
انہوں نے کہا کہ 21رکن اسمبلی میں ہمارے پاس 11ممبران ہیں تو ترنمول کانگریس کس طریقے سے کامیابی حاصل کرسکتی ہے۔
