اس مرحلے میں برسراقتدار ترنمول کانگریس کی کارکردگی کو اہم سمجھا جارہا ہے، جس سے طے ہوگا کہ وزیراعلیٰ ممتا بنرجی آئندہ 2 مئی کو مسلسل تیسری مدت کے لئے وزیر اعلی کی حیثیت سے بنگال واپس آئیں گی یا نہیں۔
ریاست میں پانچویں مرحلے میں چھ اضلاع اور 45 اسمبلی حلقوں میں پولنگ جاری ہے۔ جن اضلاع میں پولنگ جاری ہے وہ ہیں شمالی پرگنہ پارٹ۔1، دارجلنگ ، کلیمپونگ ، مشرقی وردھمان پارٹ ۔1 اور جلپائی گڑی۔ ریاست میں ووٹنگ کے پانچویں مرحلے میں ، ووٹر 319 امیدواروں کی قسمت کا فیصلہ کریں گے ، ان میں 39 خواتین امیدوار ہیں۔ ووٹنگ میں 1.12 کروڑ رائے دہندگان اپنے حق رائے دہی کا استعمال کریں گے ، ان میں سے 55.80 لاکھ خواتین اور 234 تیسرے زمرے کے لوگ ہیں ، باقی مرد ووٹر ہیں۔ پولنگ کے لئے 15789 پولنگ اسٹیشن قائم کئے گئے ہیں۔
مزید پڑھیں:
پانچویں مرحلے کے لیے پولنگ جاری
بنگال میں پانچویں مرحلے میں ووٹنگ آزاد، پرامن اور منصفانہ ہونے کو یقینی بنانے کے لئے سکیورٹی کے پختہ بندوبست کئے گئے ہیں اور مرکزی اور ریاستی فورس کو تعینات کیا گیا ہے۔ جس میں مرکزی فورسز کی 853 کمپنیاں تعینات کی گئیں۔ اس مرحلے میں پچھلے مرحلے کی نسبت زیادہ سکیورٹی فورسز کو تعینات کیا گیا ہے۔ اس سے پہلے چوتھے مرحلے میں 44 نشستوں پر ووٹنگ کے لئے 789 کمپنیوں کو تعینات کیا گیا تھا۔
یو این آئی
