ذرائع کے مطابق گذشتہ 10 اپریل کو کوچ بہار کے ستل کوچی میں مرکزی فورسز کی فائرنگ میں چار لوگوں کی موت کے بعد الیکشن کمیشن کی جانب سے کیے جانے والے سکیورٹی انتظامات پر سوال اٹھنے لگے ہیں۔ اس کے مدنظر الیکشن کمیشن نے چھٹویں مرحلے کی ووٹنگ کے لیے غیر معمولی سکیورٹی انتظامات کرنے کا فیصلہ کیا ہے۔
اس کے لیے مرکزی فورسز کی اضافی کمپنیوں کو تعینات کیا گیا ہے۔ الیکشن کمیشن کے مطابق چار اضلاع کے 43 سیٹوں کے لیے مرکزی فورسز کی 779 کمپنیوں کو تعینات کیا گیا ہے۔
شمالی 24 پرگنہ ضلع کی تمام سیٹوں اور شمالی 24 پرگنہ ضلع میں دوسرے مرحلے میں 17 سیٹوں کے لیے ووٹ ڈالے جا رہے ہیں۔
یہاں مرکزی فورسز کی سب سے زیادہ ساڑھے چار سو کمپنیوں کو تعینات کرنے کا فیصلہ کیا گیا تھا۔ چھٹویں مرحلے میں شمالی 24 پرگنہ میں سب سے زیادہ 17 سیٹوں کے لیے ووٹ ڈالے جارہے ہیں۔ ان میں باگدا، بنگاوں شمال، بنگاوں جنوب، گائی گھاٹا، سروپ نگر، بادوریا، ہابڑا، اشوک نگر، آم ڈانگہ، بیج پور، نئی ہٹی، بھاٹ پاڑہ، جگتدل، نوپاڑہ، بیرکپور، کھردہ اور دمدم شمال شامل ہے۔
چھٹویں مرحلے 43 سیٹوں کی ووٹنگ کے لیے شمالی 24 پرگنہ سمیت اضلاع میں 306 امیدوار اپنی اپنی قسمت آزمائیں گے جن میں 27 خواتین بھی شامل ہیں۔ چار اضلاع کی 43 سیٹوں پر ہونے والی ووٹنگ کے لیے 14،480 پولنگ مراکز بنائیں گئے ہیں جہاں سکیورٹی کے سخت انتظامات کیے گئے ہیں۔
چار اضلاع کے 43 اسمبلی حلقوں میں ووٹرز کی کل تعداد ایک کروڑ، 30 لاکھ، 56ہزار 918 ہیں جن میں خواتین ووٹرز کی تعداد 50 لاکھ 60 ہزار 38ہزار 332 ہے۔ اس کے علاوہ 43 اسمبلی حلقوں میں تیسری جنس ووٹرز کی تعداد 256 ہے۔
تیسری جنس کو پہلی مرتبہ ووٹ ڈالنے کا حق دیا گیا ہے۔ دوسری طرف حکمراں جماعت ترنمول ترنمول کانگریس سمیت تمام اپوزیشن جماعتوں نے پانچویں مرحلے میں ہونے والی ووٹنگ میں شاندار کارکردگی کا مظاہرہ کے لیے پرعزم ہیں۔ جہاں تک امیدواروں کا سوال ہے تو اس مرحلے میں مختلف بڑے نام ہیں۔
اس مرحلے میں ترنمول کانگریس کے رہنما اور سابق وزیر عبدالکریم چودھری، وزیر خوارک جیوتی پریہ ملک، وزیرچندریما بھٹاچاریہ، کانگریس کے عبدالستار، فارورڈ بلاک کے علی عمران رمض، بی جے پی کے قومی نائب صدر مکل رائے، سپن دیب ناتھ کے نام قابل ذکر ہے۔
واضح رہے کہ الیکشن کمیشن نے کورونا وائرس کے مدنظر 72 گھنٹہ قبل چھٹے مرحلے کی ووٹنگ کے لئے انتخابی مہم پر پابندی عائد کر دیا تھا۔ چھٹے مرحلے میں ووٹنگ کے دوران پولنگ مراکز پر سماجی فاصلے کو یقینی بنانے کی ہدایت دی گئی ہے۔ کورونا گائیڈ لائن کی خلاف ورزی کرنے والوں کے خلاف سخت کارروائی کا انتباہ دیا گیا ہے۔
