مغربی بنگال: اسمبلی ضمنی انتخاب کے لیے ووٹنگ جاری

مغربی بنگال میں اسمبلی کے ضمنی انتخابات کے لیے ووٹ ڈالے جا رہے ہیں۔ پولنگ بوتھ پر سکیورٹی کے سخت انتظامات کیے گئے ہیں۔

ریاست مغربی بنگال میں تین اضلاع میں تین اسمبلی سیٹوں کے لیے ووٹ ڈالے جا رہے ہیں۔ ان تین اضلاع میں کریم پور، کھڑگ پور اور کالیا گنج شامل ہیں۔

تازہ جانکاری کے مطابق کریم پور میں 14.71 فیصد، کھڑگ پور صدر میں 12.60 فیصد اور کالیا گنج میں 14.30 فیصد ووٹ ڈالے جا چکے ہیں۔اطلاعات کے مطابق کریم پور پولنگ بوتھ پر بی جے پی کارکنان کسی بات کو لے کر احتجاج کر رہے تھے۔ ان کو روکنے کے لیے پولیس کو لاٹھی چارج کرنی پڑی۔ ابھی حالات کنٹرول میں ہے اور ووٹنگ جاری ہے۔