مغربی بنگال کے ندیاضلع کے کریم پور اسمبلی حلقہ کے اسلام پور گھیا گھاٹ پرائمری اسکول پولنگ سنٹر علاقے میں ہی بی جے پی امیدوار جئے پرکاش مجمدار کو زدو کوب کیا گیا تھا۔ اسی علاقے کے ایک بوتھ میں بی جے پی امیدوار کو محض دو ووٹ ملے ہیں۔ گھیا گھاٹ اسلام پور پرائمری اسکول میں دو بوتھ نمبر32اور33 میں بی جے پی امیدوار خو شرمناک ہار کا سامنا کرنا پڑا ہے۔ بوتھ نمبر 32 میں بی جے پی امیدوار جئے پرکاش مجمدار کو صرف دو ووٹ ملے ہے ۔
بوتھ نمبر 33 میں صرف 38 ووٹ ملے ہیں یہی وہ بوتھ ہے جہاں گزشتہ 25نومبر کو پولنگ کے دوران جئے پرکاش مجمدار کو زدو کوب کیا گیا تھا ۔ جھاڑیوں میں گرا دیا گیا تھا جس کے بی جے پی نے شش کے لئے ترنمول کانگریس کو ذمہ دار ٹھہرایا تھا۔
اس سیٹ کے متعلق قیاس لگایا جا رہا تھا کہ بی جے پی یہ سیٹ ترنمول کانگریس سے چھین لے گی۔ لیکن تمام قیاس آرائیاں غلط ثابت ہوئیں اور بی جے پی کو سخت مایوسی ہاتھ لگی اور 32 نمبر بوتھ میں بی جے پی امیدوار کو صرف دو ووٹ ملے ہیں جبکہ بوتھ نمبر 33 میں صرف 38 ووٹ ملے ہیں۔
گزشتہ 25نومبر کو ان دونوں بوتھ پر جے پرکاش مجمدار نے دو آزاد امیدواروں پر موبائل فون پر بات کرنے کا الزام لگایا تھا اور پھر جے پرکاش مجمدار کے ساتھ بحث و تکرار ہوئی تھی جس کے بعد جے پرکاش مجمدار کو زدوکوب کیا گیا تھا۔
ان پر لات گھونسوں کی بارش شروع ہو گئی تھی ۔بی جے پی نے ترنمول کانگریس پر الزام لگایا تھا کہ یہ لوگ ترنمول کانگریس شر پسند تھے۔
واضح رہے کہ تینوں اسمبلی حلقوں میں ترنمول کانگریس نے جیت درج کی ہے۔بی جے پی کوتینوں اسمبلی حلقوں میں شکست کاسامنا کرنا پڑا
