مغربی بنگال اور آسام میں آج دوسرے مرحلے کے تحت اسمبلی انتخابات کی پولنگ شروع ہوگئی ہے۔ مغربی بنگال میں پولنگ صبح سات بجے سے شام 06.30 بجے تک چلے گی جبکہ آسام میں صبح سات بجے سے شام چھ بجے تک پولنگ ہوگی۔
مغربی بنگال کے چار اضلاع کی 30 اسمبلی نششتوں پر 171 امیدوار میدان میں ہیں۔ مشرقی میدینی پور ضلع کی 9، بنکورا میں 8، مغربی میدینی پور میں 9 اور جنوبی 24 پرگنہ کی 4 نشستوں پر ووٹنگ ہونی ہے۔
دوسرے مرحلے کی پولنگ میں سب کی نگاہیں نندی گرام نشست پر ہے۔ یہاں مغربی بنگال کی وزیر اعلیٰ ممتابنرجی اور ٹی ایم سی سے بغاوت کر کے بی جے پی میں شامل ہوئے قد آور رہنما شبھیندو ادھیکاری میدان میں ہیں۔ نندی گرام سمیت کئی علاقوں میں پولنگ کے دوران کشیدہ حالات کے مدنظر سکیورٹی کے سخت انتظامات کیے گئے ہیں۔
مزید پڑھیں:
مغربی بنگال اسمبلی انتخابات: دوسرے مرحلے کی مکمل تفصیلات
وہیں آسام میں 13 اضلاع کی 39 نشستوں پر 345 امیدوار اپنی قسمت آزما رہے ہیں۔ آج ہونے والی پولنگ پانچ وزراء اور اپوزیشن کے کچھ اہم رہنماؤں کی قسمت کا فیصلہ کرے گی۔ اس مرحلے میں 26 خواتین سمیت 345 امیدوار میدان میں ہیں جس کے لئے جمعرات کو صبح سات بجے سے شام کو شام چھ بجے تک کووڈ 19 کے ہدایات پر عمل کرتے ہوئے سخت سکیورٹی کے درمیان ووٹ ڈالے جائیں گے۔
