مغربی بنگال کے مرشد آباد کے بہرامپور سے کانگریس کے رکن پارلیمان ادھیر رنجن چودھری نے کہاکہ گزشتہ پانچ برسوں کے دوران بی جے پی کی قیادت والی مرکزی حکومت نے کوئی کام نہیں کیا ہے ۔
انہوں نے کہاکہ بین الاقوامی سطح پر بھارت کو کئی محاذ پر ناکامی کا سامنا کرنا پڑا ہے۔ اس سے ملک کا وقار بھی مجروح ہو ا ہے ۔
کانگریس کے سنئیر رہنما نے کہاکہ ملک میں بھوک مری میں اضا فہ ہو ا ہے ۔ اس سےبڑی تعداد میں لوگ متاثر ہوئے ہیں۔ ان کی تعداد میں زبردست اضا فہ ہو اہے ۔
انہوں نے کہاکہ بھوک مری والے ملکوں کی فہرست میں بھارت کی درجہ بندی کو بھی نقصان پہنچا ہے۔اس سے یہ ثابت ہوتا ہے کہ بی جے پی کی قیادت والی مرکزی حکومت نے بولنے کے علاوہ کوئی دوسرا کام نہیں کیا ہے ۔
کانگریس کے رکن پارلیمان کاکہنا ہے کہ اس فہرست میں بنگلہ دیش، پاکستان اور نیپال سے پیچھے چلا گیا ہے بھارت۔ اس نمبر کو دکھتے ہوئے یہ کہا جا سکتا ہے کہ بی جے پی نے ملک کو کہاں لا کھڑا کردیا ہے ۔
کانگریسی رہنما مسٹر چودھری نے کہاکہ وزیراعظم مودی جی اور وزیر داخلہ امت شاہ سمیت تمام بی جے پی کے رہنما وں نے ملک کو خوشحال قرار دیا ہے ۔ لیکن حقیقیت یہ ہے کہ خوشحال ممالک کی فہرست میں بھی بھارت کو تنزلی کا سامنا کرنا پڑا ہے ۔
انہوں نے کہاکہ خوشحال ممالک کی فہرست میں بھارت کو سات درجے کی تنزلی ہوئی ہے ۔یہ فخر کی بات نہیں بلکہ شرمندگی کی بات ہے ۔ لیکن چند لوگ اسے کامیا بی سمجھتے ہیں۔
کانگریس کے رہنما کاکہنا ہے کہ 2018 میں خوشحال ممالک کی فہرست میں بھارت 133 ویں مقام پر تھا لیکن 2019 میں سات درجے کی تنزلی کے ساتھ 140 واں مقام پر پہنچ گیا ہے ۔ عدد شمار سے ہی سمجھ میں آتا ہے کہ بی جے پی کی قیادت والی مرکزی حکومت نے ملک کو کہاں سے کہاں پہنچا دیا ہے ۔
