مغربی بنگال کے مرشدآباد کے بہرامپور سے کانگریس کے رکن پارلیمان ادھیر رنجن چودھری نے کہاکہ کوروناوائرس کے سبب موجودہ حالات بگڑتے جارہے ہیں۔
انہوں نے کہاکہ ان حالات میں بیرون ریاستوں میں پھنسے بنگال کے مزدوروں کی پریشانیوں میں اضا فہ ہو گیا ہو گا ۔کیونکہ وہاں انہیں وہ سہولیتیں نہیں مل سکتی ہے جو یہاں ہم دیں گے۔
کانگریسی رہنما کاکہنا ہے کہ میں نے وزیراعظم نریندر مودی کواس سلسلے میں خط لکھا ہے ۔ ان کی توجہ اس جانب مبذول کرانے کی کوشش کی ہے کیونکہ یہ ایک سنگین مسئلہ ہے۔
انہوں نے کہاکہ مزدوروں کو بیرون ریاستوں سے نکال کرانہیں ان کے گھرواپس بھیجنے کی ذمہ داری مرکزی حکومت کی ہے۔ اس سلسلے میں انہیں ٹھوس قدم اٹھانے کی ضرورت ہے۔
ادھیر رنجن چودھری کاکہنا ہے کہ مرکزی حکومت کو بیرون ریاستوں میں پھنسنے والے مزدوروں کو ٹرینوں کے ذریعہ ان کی ریاستوں تک پھیجنے کاانتظام کیا جائے ۔
کانگریس کے رکن کے مطابق میں جانتا ہوں کہ حالات اچھے نہیں ہیں لیکن مزدوروں کو ان حالات میں وہاں رکھنے کا مطلب ان کے مسائل اور بڑھ سکتے ہیں ۔
لوک سبھا میں کانگریس کے رہنما کاکہنا ہے کہ مرکزی حکومت کو اس ضمن میں جلد سے جلد ٹھوس قدم اٹھانے کی ضرورت ہے تا کہ مزدوروں کو مزید پریشانیوں کا سامنا نہ کرنا پڑھے۔
انہوں ن نے کہاکہ بیرون ریاستوں میں رہنے والے مزدروں کے حالات پر گہری نظر رکھے ہوئے ہیں۔ ریاستی حکومے پر بجی ام مزدوروں کو ریاست واپس لانے کے لئے دباؤ ڈال رہے ہیں۔
