مغربی بنگال کے شمالی24 پرگنہ کے بیج پور تھانے کے تحت کنچڑہ پاڑہ کے حالی شہر میں تیزاب حملے میں تین خاتون شدید طور پر زخمی ہو گئیں۔ اس واقعہ کے بعد علاقے میں سنسنی پھیل گئی۔
تیزاب حملے میں تین خاتون زخمی
تیزاب حملے میں زخمی ہونے والی حسینہ بی بی،حظیفہ بی بی اور نیتو بی بی کو ضلع صدر ہسپتال میں داخل کرایا گیا ہے۔
پولیس کاکہنا ہے کہ جائیداد کامعاملہ ہے۔ ایک سال پہلے انیما سرکار اورپربھات سرکار نے پڑوس کے ایک خاندان کو زمین فروخت کی تھی۔
اس کے بعد سے ہی دونوں خاندانوں کے درمیان تنازعہ چل رہاتھا۔معاملہ عدالت میں بھی ہے۔لیکن دونوں کاندانوں کے درمیان دفعہ دفعہ جھگڑابھی ہوتاتھا۔
پولیس کاکہنا ہے کہ جھگڑے کے دوران تینوں خاتون پر تیزاب سے حملہ کیاگیا۔ پولیس نے اس حملے میں ملوث ایک شخص کو گرفتارکرلیا ہے۔ ان سے پوچھ تاچھ کی جاری ہے۔
