ذارئع کے مطابق مرکزی ہوڑہ کے ناراسنگھ دتہ روڈ کے علاقے میں کورونا وائرس کے یہ نئے کیس پائے گئے ہیں۔ہوڑہ چیف میڈیکل آفیسر بھابانی داس نے کہا کہ ان تمام 38مریضوں کو سجیوبانی اسپتال پھولیشور، آئی ایل ایس اسپتال اور ستیہ باباآئی ڈی اسپتال میں داخل کریا گیا ہے۔داس نے کہا کہ اس علاقے کے دیگر 50افراد کو قرنطینہ میں بھیج دیا گیا ہے۔
یہ تمام لوگ بہت ہی چھوٹے علاقے میں رہتے ہیں۔ہوڑہ کارپوریشن کے وارڈ نمبر 19,21,22,23,24 اور41میں واقعے ہے۔ذرائع کے مطابق ان میں کچھ لوگوں کو بخار اور کھانسی کی شکایت کے بعد اپریل کے آخری ہفتے میں ضلع قرنطینہ سنٹر بھیجا گیا تھا۔
کچھ دن بعد اس علاقے کے مزید افراد میں بھی کھانسی اور بخار کے شکارہوگئے۔اس کے بعد ان تمام لوگوں کی جانچ کی گئی تو 38افراد کورونا وائرس سے متاثر پائے گئے۔اس پورے علاقے کو کنٹیمنٹ زون میں تبدیل کردیا گیا ہے۔
ایک کلومیٹر کے اس علاقے میں 1600جاروب کش رہتے ہیں۔ان میں سے کئی افراد کو قرنطینہ میں بھیج دیا گیا ہے۔
خیال رہے کہ کلکتہ،ہوڑہ، شمالی 24پرگنہ اور مشرقی مدنی پور کو ریڈزون قراردیدیا گیا ہے۔
