ترنمول کانگریس کے وزیر تعلیم پارتھو چٹر جی نے مغر بی بنگال بی جے پی کی اس حرکت کوگھٹیا قراردیتے ہوئے کولکاتا پولیس کے سائبر سیل سے شکایت کرنے کا فیصلہ کیا ہے۔
ریاستی وزیر نے کہاکہ مغر بی بنگال کی وزیراعلیٰ ممتابنرجی کی شخصیت کوبگاڑنے کے لیے بی جے پی کے ممبرشپ کارڈ پر ان کی تصویرلگاکر سوشل میڈیا پر وائر ل کی جا رہی ہے۔
انہوں نے کہاکہ اس طرح کی حرکت کرنے والوں کے خلاف سخت کارروا ئی کی جا ئے گی ۔ کولکاتا پولیس کے سائبر سیل سے اس کی شکایت کرنے کا فیصلہ کیا گیا ہے۔
دوسری طرف ریاستی بی جے پی نے وزیرتعلیم پارتھو چٹرجی کے الزام کو بے بنیاد قرار دیا ہے۔پورے ملک میں بی جے پی کی جانب سےممبرشپ مہم چلائی جا رہی ہے۔ مغر بی بنگال میں مہم کا آغاز کیا جا ئے گا لیکن اس طرح کی غلطی ناقابل قبول ہے۔
انہوں نے کہاکہ جس نے بھی یہ گری ہوئی حرکت کی ہے اس کے خلاف کارروا ئی کی جائے گی۔ لیکن ایسا نہیں لگتا ہے کہ اس میں بی جے پی کے کارکنان شامل ہوں گے۔
