مغربی بنگال کے دارالحکومت کولکاتا کے پارک سرکس میدان میں خواتین کے سی اے اے اور این آر سی کے خلاف دھرنے کو 34 دن ہوگئے
لیکن خواتین میں وہی جوش نظر آیا جو پہلے دن تھا۔ وہیں آج پارک سرکس میں خوشی کا ماحول بھی تھا۔ دہلی اسمبلی الیکشن کے نتائج کو دھرنے پر بیٹھی خواتین نے نفرت پر محبت کی جیت قرار دیا۔
آج بڑی تعداد میں دھرنے پر خواتین موجود تھیں اور اسی طرح پر امن تحریک جاری رکھنے کے عزم کا اظہار کیا۔دھرنے میں بیٹھی خواتین کا حوصلہ بڑھانے کے لئے ہر روز پارک سرکس میدان سماجی کارکن اور رہنمائے نسواں کی روح رواں تبسم صدیقہ نے ای ٹی وی بھارت سے بات کرتے سے بات کرتے ہوئے کہا کہ ملک کے مختلف حصوں میں سی اے اے اور این آر سی کے خلاف جاری احتجاج پر امن طور پر جاری ہے۔
لیکن ان احتجاج و مظاہرے کو بدنام کرنے کی کوشش جاری ہے لیکن ہم اسی طرح پر امن تحریک جاری ہیں اور دہلی کے مسلم قابل تعریف ہیں کہ اتنے تشدد کے بعد بھی رد عمل نہیں کر رہے ہیں۔
وہیں انہوں نے کہا کہ دہلی اسمبلی الیکشن کے نتائج نے ثابت کر دیا کہ یہ نفرت پر محبت کی جیت ہے نفرت کا جواب نفرت سے نہیں دیا جاتا ہے بلکہ نفرت کا جواب محبت ہے ملک کے لوگ ترقی چاہتے ہیں۔
تعلیم چاہتے ہیں جامعہ میں جو ہوا وہ قابل مذمت ہے اور کولکاتا کے لوگ اس کی مذمت کرتے ہیں ہم سب خواتین اس کی مذمت کرتے ہیں اور ہم پر احتجاج و تحریک کے حامی ہیں اور جامعہ کے طلباء کے ساتھ ہیں۔
