مغربی بنگال میں آئندہ برس ہونے والے اسمبلی انتخابات کے پیط نظر سیاسی جماعتوں کی میٹننگ اور اجلاس کا سلسلہ پہلے سے ہی شروع ہوچکا ہے۔
اب اسی درمیان وی وی پیٹ سے لدی گاڑیوں کا قافلہ مہاراشٹر سے ضلع بردوان کے آسنسول پہنچایا جاچکا ہے۔ وی وی پیٹ کی آمد کے ساتھ ہی مغربی بنگال میں اسمبلی انتخابات کی ابتدائی مرحلے کی گھنٹی بج اٹھی ہے۔
ذرائع کے مطابق سنیچر کے روز نصف درجن سے زائد لاریاں وی وی پیٹ آسنسول پہنچائی گئیں۔ مغربی بنگال پولیس اور آر ی ایف کی نگرانی میں تمام وی وی پیٹ کی اسکیننگ اور جانچ کے بعد انھیں اسٹرونگ روم میں رکھ دیا گیا۔
اس تعلق سے کانگریس کے رہنما ایس ایم مصطفیٰ نے کہا کہ مہاراشٹر سے تقریباً چار ہزار پانچ سو وی وی پیٹ آسنسول لائے گیے ہیں۔ تمام سیاسی جماعتوں کے نمائندوں کی موجودگی میں وی وی پیٹ کو اسٹرانگ روم میں رکھا گیا۔
انہوں نے کہا کہ الیکشن کمیشن کے ضابطہ کے مطابق وی وی پیٹ کی اسکیننگ اور جانچ کرنے کے بعد اسے اسٹرانگ روم میں رکھا جاتا ہے۔
آسنسول: بی جے پی کارکنوں کی ترنمول کانگریس میں شمولیت
بی جے پی کے نمائندہ پرکاش بسواس کمار نے کہا کہ الیکشن کمیشن کے ضابطہ کے مطابق وی وی پیٹ کی اسکین اور جانچ کی گئی۔اس موقع پر تمام سیاسی جماعتوں کے نمائندے موجود تھے۔ تشفی بخش کارروائی کے بعد وی وی پیٹ کو سیل کر کے اسٹرانگ روم میں رکھ دیا گیا۔
