مغربی بنگال کے دارلحکومت کولکاتا میں واقع بین الاقوامی شہرت یافتہ ایڈن گارڈن اسٹیڈیم میں دوسرے دن کے کھیل کاآغاز ہونے سے قبل پانچ مرتبہ کے شطرنج کے عالمی چمپیئن وشوناتھن آنند اورموجودہ ماگنوس کارلسن اسٹیڈیم میں داخل ہوئے ۔
شطرنج کے دوعظم کھلاڑیوں نے اعزازی گھنٹی بجاکربھارت بنگلہ دیش کے درمیان جاری ڈے نائٹ ٹسٹ میچ کے دوسرے دن کے کھیل آغاز کیا۔
غورطلب ہے کہ ایڈن گارڈن میں کھیلے جارہے تاریخی ڈے نائٹ ٹسٹ میچ کے پہلے دن مہمان ٹیم بنگلہ دیش نے ٹاس جیت کر پہلے بیٹنگ کرتے ہوئے محض106رنوں پر ڈھیرہوگئی۔ بھارت کی جانب سےتیزگیندبازایشانت شرمانے پانچ ،امیش یادونے تین اور محمد سمیع نے دو وکٹ حاصل کیے۔
ڈے نائٹ ٹسٹ سے قبل بنگلہ دیش کی وزیراعظم شیخ حسینہ واجد اور مغربی بنگال کی وزیراعلیٰ ممتابنرجی نے گھنٹی بجاکرمیچ کا افتتاح کیا۔پہلے دن کے اختتام پر سچن تندولکر،کپل دیو،وی وی ایس لکشمن سمیت دیگر سابق کھلاڑئوں کو استقبالیہ دیاگیا۔
