مغربی بنگال کے دارالحکومت کولکاتا سمیت مختلف اضلاع میں اسکول سروس کمیشن کے ذریعہ اسکولوں میں اساتذہ کی تقرری میں بدعنوانی کے معاملے کے خلاف بڑے پیمانے پر احتجاج و دھرنے کا سلسلہ جاری ہے۔ شمالی 24 پرگنہ کے کروناموئے میں سی پی آئی ایم کی طلبا تنظیم ڈی وائی ایف آئی اور یوتھ کانگریس کے حامیوں نے مشترکہ طور پر ایس ایس سی بدعنوانی معاملے کے خلاف اختجاجی جلوس کا اہتمام کیا۔ احتجاجی جلوس کے دوران ڈی وائی ایف آئی اور یوتھ کانگریس کے حامیوں اور پولیس اہلکاروں کے درمیان ہاتھاپائی ہوئی، جس سے افراتفری مچ گئی۔ DYFI Protesters Clash With Police
پولیس نے سی پی آئی ایم کی طلبا تنظیم ڈی وائی ایف آئی کی سربراہ مباکشی مکھرجی اور ان کے دیگر ساتھیوں کو عوامی مقام پر 'بھیڑ اکھٹا' کرنے کے الزام میں گرفتار کر لیا۔ وہیں ڈی وائی ایف آئی کی سربراہ مباکشی مکھرجی کا کہنا ہے کہ ہم پُرامن طریقے سے احتجاج کر رہے تھے، تبھی حکومت نواز پولیس اہلکاروں نے ان پر لاٹھیوں سے حملہ کر دیا۔ انہوں نے کہا کہ پولیس کے لاٹھی چارج میں متعدد ڈی وائی ایف آئی کے کارکنان زخمی ہوگئے، جن میں خواتین بھی شامل ہیں۔ DYFI Protesters Clash With Police
یہ بھی پڑھیں: Police Hit Muslim Women With Sticks: حجاب کی حمایت میں مظاہرہ کرنے والی خواتین پر پولیس کا لاٹھی چارج
انہوں نے مزید کہا کہ بدعنوانی کے خلاف ہمارے احتجاج کا سلسلہ جاری رہے گا۔ بدعنوانی معاملے میں ملوث وزراء کی گرفتاری کے بعد ہی ہم سکون سے بیٹھے گے۔ وہیں اس معاملے پر پولیس نے مظاہرین پر لاٹھی چارج کرنے کے الزام کو بے بنیاد قرار دیتے ہوئے کہا کہ ڈی وائی ایف آئی اور یوتھ کانگریس کے کارکنان کو قانون کی خلاف ورزی پر گرفتار کیا گیا ہے۔ DYFI Protesters Clash With Police
