مغربی بنگال کے مرشدآباد ضلع ترنمول کانگریس کے سنئیر رہنما ابو طاہر خان نے کہا کہ 'رانین نگر میں پردیش کانگریس کے صدر ادھیر رنجن چودھری کے خلاف احتجاج کرنے والے ترنمول کانگریس کے حامی نہیں بلکہ گاؤں کے باشندے تھے۔'
انہوں نے کہا کہ 'پنچایت پردھان کی گاڑی پر جان لیوا حملہ کیا گیا تھا جس میں ان کے ڈرائیور کی موت ہو گئی تھی۔ اس واقعے کے بعد گاؤں والوں میں ناراضگی تھی۔'
ترنمول کانگریس کے رہنما کا کہنا ہے کہ 'حکمراں جماعت ترنمول کانگریس کو بدنام کرنے کی سازش کی جا رہی ہے۔ ہم نہیں بلکہ عام لوگ کانگریس کے رہنما کی مخالفت کر رہے ہیں۔'
یہ بھی پڑھیں: ڈی جی پی تقرری معاملہ: ممتا حکومت کو سپریم کورٹ سے دھچکا
مغربی بنگال کے مرشدآباد ضلع کے بہرامپور میں پردیش کانگریس کے صدر ادھیر رنجن چودھری پارٹی کارکنان کے گھروں میں توڑ کے واقعے کے ان سے ملاقات کرنے کے لئے رانین نگر جا رہے تھے تبھی انہیں ترنمول کانگریس کے حامیوں کی مخالفت کا سامنا کرنا پڑا۔'
غورطلب ہے کہ ترنمول کانگریس کے حامی رانین نگر پنچایت پردھان کی گاڑی پر حملے میں ان کے ڈرائیور کی موت کے خلاف احتجاج کر رہے تھے۔ ترنمول کانگریس کا الزام ہے کہ اس حملے میں کانگریس کے کارکنان ملوث تھے۔
