مغربی بنگال کی وزیراعلیٰ ممتابنرجی نے کہا کہ 'کسی پر اعتبار نہیں کیا جا سکتا ہے۔ جن لوگوں سے زیادہ امیدیں ہوتی ہیں، ان سے ہی دھوکہ ملتا ہے۔'
انہوں نے کہا کہ 'شوبھن چٹرجی کا بھگوا جماعت میں شمولیت اختیار کرنا بنگال کے عوام کے ساتھ دھوکہ کرنے جیسا ہے۔ انہوں نے پہلے ترنمول کانگریس سے منہ موڑا اور اب بنگال کے لوگوں کو دھوکہ دے رہے ہیں۔'
ممتا بنرجی کے مطابق ایک شخص کسی بھی پارٹی میں شامل ہو سکتا ہے لیکن اس سے اگر ان کے گھر کے لوگوں کو ہی تکلیف پہنچے تو اس سے افسوس کی بات کچھ بھی نہں ہوسکتی ہے۔
وزارت اور میئر کے عہدے سے استعفیٰ دینے کے بعد سے ہی شوہر اور بیوی کے تعلقات میں دوریاں بڑھ گئی تھیں۔ اس کے لیے رتنا چٹرجی نے بیشاکھی بنرجی کو ذمے دار ٹھہرایا تھا۔ بدھ کے روز بیشاکھی بنرجی اور شوبھن چٹرجی نے بی جے پی میں شمولیت اختیار کی جس پر رتنا چٹرجی نے کہا بی جے پی نے غیر اخلاقی کام کیا ہے۔
ہاجرہ میں ممتا بنرجی نے کہا کہ ' پارٹی میں رتنا کو بڑی ذمے داری دیں اور ساتھ ہی رتنا کو مخاطب کرتے ہوئے کہا کہ تمہیں گھبرانے کی ضرورت نہیں تمہارے ساتھ سسرال کے لوگ ہیں، تمہارے والدین ساتھ ہیں اور تمہارے ساتھ ترنمول کانگریس بھی ہے۔ کسی کا غیر اخلاقی کام کرنا صحیح نہیں ہے۔ ترنمول کانگریس پورے ملک کی خواتین کے ساتھ ہے۔'